(උපාලි රණවීර)
 

පැපිලියවල, වල්පොළ ප්‍රදේශයේ නිවසකදී සිදුවු පිහි ඇනුමකින් 40 හැවිරිදි අවිවාහකයෙකු මියගොස් ඇතැයි කිරිදිවැල පොලිසිය කියයි.

අත්තනගල්ල ප්‍රදේශයේ පෞද්ගලික කර්මාන්ත ශාලාවක සේවය කරන මාතර ප්‍රදේශයේ අංජන කුමාර (40) නැමැති අය සිද්ධියෙන් බරපතල තුවාල ලබා රදාවාන රෝහලට ඇතුළත් කිරීමෙන් අනතුරුව මියගොස් තිබේ.

 
ඝාතනයට ලක්වු පුද්ගලයා  ඔහු  සේවය කරන ආයතනයේ සැමියා හැර ගිය කාන්තාවක් සමඟ සබඳතාවක් පවත්ව ඇත.
 
සිද්ධිය වූ දින ඔහු  එම කාන්තාවගේ  නිවසට පැමිණ සිටියදී  ස්ථානයට පැමිණ ඇති එම කාන්තාවගේ පළමු සැමියා ඔහුගේ සිරුරේ ස්ථාන අටකට උල් පිහියකින් ඇන ඇතැයි පරීක්ෂණවලදී අනාවරණය වී ඇති බව පොලීසිය කියයි.
 
ඊයේ  රාත්‍රී 10.00ට පමණ මෙම සිද්ධිය සිදුවී ඇති අතර තුවාලකරු  පැය කීපයක් එම ස්ථානයේ වැටී සිට ඇතැයිද පොලීසිය කියයි.

සිද්ධියට සම්බන්ධ බව කියන එම කාන්තාවගේ පළමු  සැමියා අත්අඩංගුවට ගෙන තිබේ.