(මුදිතා දයානන්ද)
 
‘ජනපතිවරණයක් දිනන්න නම් අපේක්ෂකයා පක්ෂ නායකයා විය යුතුම නැහැ. චන්ද්‍රිකා බණ්ඩාරනායක මහත්මිය 94දීත්, ගෝඨාභය රාජපක්ෂ මහතා පසුගිය ජනපතිවරණයේදීත්  දිනුවේ පක්ෂ නායකත්වයේ ඉඳලා නොවේ’ යැයි එක්සත් ජාතික පක්ෂ පාර්ලිමේන්තු මන්ත‍්‍රී ආශු මාරසිංහ මහතා අද (15) පැවසීය.
 
ඔහු මේ බව පැවසූයේ එංගලන්තයේ ලේබර් පක්ෂයේ නායකයා ඡන්දය පැරදුණු විට නායකත්වයෙන් ඉවත්  වුණා සේ එජාපයේ නායකයා ඒ ආදර්ශය නොදෙන්නේ ඇයිදැයි පිටකෝට්ටේ පිහිටි එක්සත් ජාතික පක්ෂ ප‍්‍රධාන කාර්යාලය සිරිකොත මන්දිරයේදි පැවති මාධ්‍ය හමුවකදී මාධ්‍යවේදියෙකු නැගූ ප‍්‍රශ්නයකට පිළිතුරු දෙමිනි.
 
එහිදී හෙතෙම මෙසේද පැවසීය.
 
“අපි හැමවිටම අපිට  ඕන ආදර්ශය ගැන අහනවා. ඒත් අපේ රටේම ආදර්ශ තිබෙනවා පක්ෂ නායකත්වය නැතිව මැතිවරණ දිනලා පෙන්වපු අයගේ. ඒවා ගැන අපි කතා කරන්නේ නැහැ.
 
චන්ද්‍රිකා මහත්මිය 1994දී ජනාධිපතිවරණයට ඉදිරිපත් වන විට ඇය ශ‍්‍රී ලංකා නිදහස් පක්ෂයේ නායිකාව නෙවෙයි. ඒත් ඡන්දේ දිනුවා. ගෝඨාභය රාජපක්ෂ මහතා මහතා මෙවර ජනාධිපතිවරණයට එනකොට ඡන්දෙට එනකොට කිසිම පක්ෂයක නායකයෙක් නෙවෙයි. නමුත් ඔහුද ඡන්දේ දිනුවා. ඒ නිසා ඡන්දයක් දිනන්න පක්ෂ නායකත්වය තමන් සතුව තියෙන්න  ඕනම කියලා දෙයක් නැහැ” යැයිද හෙතෙම කීය.