(රංජිත් රාජපක්ෂ)         
             
එක්සත් ජාතික පක්ෂයේ මැතිවරණ ප්‍රචාරක කටයුතුවලට විපක්ෂයෙන් අභියෝග පැමිණෙන තරමට පක්ෂය ජයග්‍රහණය කරා රැගෙන යාමට හැකි බව එක්සත් ජාතික පක්ෂයේ නියෝජ්‍යය නායක සහ හිටපු අමාත්‍ය රවී කරුණානායක මහතා පැවසීය.
 
රවි කරුණානායක මහතා ඒ බව කියාසිටියේ නුවරඑළිය දිස්ත්‍රික්කයෙන් එක්සත් ජාතික පක්ෂයෙන් තරග කරන කේ.කේ.පියදාස, එස්.කේසවමුර්ති යන අපෙක්ෂකයන්ගේ ජයග්‍රහණය තහවුරු කිරීම සඳහා (22) හැටන් නගරයේ පැවති රැස්වීමකින් අනතුරුව මාධ්‍යයට අදහස් දක්වමිණි.
 
මෙහිදි වැඩිදුරටත් අදහස් දැක් වූ රවී කරුණානායක මහතා කියාසිටියේ එක්සත් ජාතික පක්ෂයට එරෙහිව ඇති කළ තාවකාලික පක්ෂයට අධිකරණය හොඳ තීන්දුවක් ලබා දී ඇති බවයි.
 
ලබන මස 5 දින පැවැත්වෙන මහ මැතිවරණයෙන් තම පක්ෂයට අභියෝග කරන අයට හොඳ  විසඳුමක් ලබාදෙන බව රවි කරුණානායක මහතා පැවසීය.
 
මැතිවරණයක් ආසන්නයේ තම පක්ෂයට විරුද්ධ මත දරන අය බැඳුම්කර සිද්ධිය යලිත් කරලියට ගෙනවිත් මැතිවරණ වේදිකාවල කතා කරන බවත්, බැඳුම්කර සිද්ධියට වසර පහක් ගත වී තිබියදි එම සිද්ධියට අදාළ අයට එරෙහිව නීතිමය පියවර මෙතෙක් නොගැනීමට එම පිරිස කටයුතු නොකර ඇති බවද රවි කරුණානායක  මහතා පැවසීය.