මාතලේ, නාඋල ප්රදේශයේ විශ්වවිද්යාල ශිෂ්යාවක් ඩෙංගු මාරයාට බිලිවී එම සිද්ධියේ රශ්මිය පහව යන්නටත් මත්තෙන් මාතලේ නගරයේ පාසලක උසස් පෙළ හදාරණ ශිෂ්යයකු ඩෙංගු මාරයාට බිලිවීමේ පුවතක් පාසල් ළමුන් අතර පැතිර ගියේ නගරය සහ තදාසන්න ප්රදේශ සසල කරමිණි. ඒ තරමටම මාතලේ නගරයේ සහ තදාසන්න ප්රදේශවල පාසල් ළමුන්ට ඩෙංගු උණ වැළඳී රෝහල්වල ප්රතිකාර ලබති.
මාතලේ සිංහල බෞද්ධ විද්යාලයේ උසස් පෙළ පන්තියේ ඉගෙනුම ලැබූ රුවන් චාමර විජේසිංහ නමැති 18 හැවිරිදි ශිෂ්යයා පදිංචිවී සිටියේ මාතලේ හරස්ගම අගලවත්ත පාරේ නිවසකය. වාහන රියැදුරෙකු වූ එච්.එම්.ගාමිණි විජේසිංහ සහ එල්.ජී.අනුලාවතී දෙපළගේ එකම පිරිමි දරුවා වූ චාමරට බාල නැගණියන් දෙදෙනෙක් වෙති.
චාමර පසුගිය 19 වැනිදා නකල්ස් හෙවත් දුම්බර කඳුවැටිය නැරඹීමට ගියේ යහළුවන් පිරිසක් සමඟිනි. දුම්බර වන පෙතේ තද සීතල පහස ලබන්නට චාමරට පුළුවන්කමක් නොලැබුණා විය හැක.
ඇඟට දැනෙන තෙහෙට්ටු ගතිය නිසා ටිකක් හෝ විවේක ගන්න ඕනෑ කියා චාමර යාළුවන්ට කීවේය. යහළුවන් තවදුරටත් වන පෙතේ පහස අතහැර ආපසු සිය නිවෙස් බලා ඒමට පිටත් වූහ.
චාමරගේ කොන්දේ වේදනාව වැඩිවෙන්න ගත්තේය. යහළුවන් පිරිස විනෝද චාරිකාව හමාර කළේ චාමර මාතලේ දිසා මහ රෝහලට ඇතුළත් කිරීමෙන් අනතුරුවය..
දින දෙකක කාලයක් රෝහලේ නේවාසිකව ප්රතිකාර ලබමින් සිට චාමර අනතුරුව දැඩි සත්කාර ඒකකයට ඇතුළත් කිරීමට රෝහල් බලධාරීහු කටයුතු කළහ. චාමරගේ පියාට සහ මවට කරකියා ගැනීමට යමක් නොමැතිව අසරණ වූහ. චාමරගේ නැගණියන් දෙදෙනා බලාගත් අත බලා සිටියහ. පාසලේ ගුරුවරුන් හා සියලූ යහළු යෙහෙළියන් චාමරගේ ලෙඩ දුක් බැලීමට වැළ නොකැඩී රෝහලට එන්න ගත්හ.
දැඩි සත්කාර ඒකකයේ ප්රතිකාර ලැබූ චාමර ඉකුත් 21 වැනිදා ඩෙංගු රෝගයට ගොදුරුව අවසන් ගමන් ගියේ සිය ආදරණීය මව, පියා, නැගණියන් දෙදෙනා ඇතුළු පාසලේ මිතුරු, මිතුරියන් සහ ඥාතීන් හැමෝම හඬවමිණි.
චාමරගේ නිසල දේහය නිවසට ගෙන එනවිට මව සිහි මුර්ජා වූවාය. පියා සහ නැගණියන් දෙදෙනා විලාප නගන්න ගත්හ. ගුවනට මුසු වූ ඒ විලාපයෙන් මුළු ප්රදේශයක් සසල කළේය. සුදු වතින් සැරසුණු මාතලේ බෞද්ධ මහා විද්යාලය දැඩි වේදනාවෙන් එහි පසු විය. සමහර සිසුන් එකිනෙකා බදාගෙන ඉකි බිඳ බිඳ හඬන්න වූහ.
‘‘අනේ මගේ පුතා නැඟිටින්න. අපිට හිටපු එකම පුතා, පුතා විතරනේ. පුතා බලන්න යාළුවෝ ඇවිත් ඉන්නවා. ඇයි පුතේ අපිට මෙහෙම දුකක් දුන්නේ. පුතාට මෙහෙම දෙයක් වෙයි කියලා අපි හීනයකින්වත් හිතුවේ නෑ’’ යැයි කියමින් චාමරගේ මව විලාප නඟන්න වූවාය. ඇයට සිය වේදනාව දරා ගත නොහැකිව පොළොවේ හැපෙමින් විලාප නැඟුවාය.
චාමරගේ පියාවන එච්.එම්. ගාමිණි විජේසිංහ මහතා කඳුළු සලමින් මෙසේ පැවසුවේය. ‘‘අනේ මහත්තයෝ. මට හිටපු එකම පුතා මෙයා පමණයි. ලොකු පුතා නංගිලා දෙන්නා තනිකර ගියා. මමයි බිරිඳයි ලොකු පුතා ඇහැක් වගේ රැක්කේ, සා.පෙළ දක්වා ඉගෙන ගත්තේ මාතලේ විජය විද්යාලයේ, උසස් පෙළ හදාරන්න මාතලේ සිංහල බෞද්ධ විද්යාලයට ඇතුළත් වුණා. මෙයා ඉස්කෝලේ වැඩ හොඳට කළා. ඉතාම තැන්පත් ළමයෙන් මෙයා. චාමර පුතා වැඩියෙන්ම හිටියේ අම්මාත් එක්ක’’
‘‘යාළුවෝ කට්ටියක් එක්ක පුතා නකල්ස් කන්ද බලන්න ගිහිං තිබෙනවා. කන්ද මුදුනේ දී පුතාට කොන්දේ අමාරුව හැඳිලා. පුතාව මාතලේ රෝහලට ඇතුළත් කර තිබෙනවා. දින දෙකකට පස්සේ පුතාට හොඳටම උණ හැඳිලා. දැඩි සත්කාර ඒකකයටත් ඇතුළත් කරලා. පුතාට ඩෙංගු හැඳිලා කියා ආරංචි වුණා. අපේ ගමේ කාටවත් ඩෙංගු උණ හැඳිලා නැහැ.’’
මියගිය රුවන් චාමර විජේසිංහ ශිෂ්යයා ඉගෙනුම ලබන මාතලේ සිංහල බෞද්ධ විද්යාලයේ අධ්යක්ෂ කථිකාචාර්ය ගල්කුලමේ උපරතන නාහිමියෝ අප සමඟ මෙසේ පැවසූහ.
‘‘රුවන් චාමර ශිෂ්යයා 2016 වසරේ අපේ පාසලේ 13 වැනි ශ්රේණියට ඇතුළත් වුණා. ඔහු කලා අංශයෙන් උසස් පෙළ විභාගයට පෙනී සිටිමට සිටියේ. චාමර අධ්යාපනයටත් ඉතාම දක්ෂයි. විශේෂයෙන් ක්රීඩා අංශයෙන් කුසලතා දැක් වූ ශිෂයෙක්. පාසල මඟින් කලාප තරගවලට ඉදිරිපත්කොට මොහු කුසලතා දක්වා තිබෙනවා. පාසලේ ළමුන් අතරත් ජනප්රිය ශිෂ්යයෙක්. ගුරුවරුන්ගේ හිත දිනාගෙන අධ්යාපන කටයුතුවල නියැළුණු ශිෂ්යයෙක්.
‘‘චාමරට ඩෙංගු උණ වැළඳුණා කියලා දැනගත්තට පස්සේ මම බොහෝම වේදනාවට පත් වුණා. පාසලේ ළමුන් හා ගුරුවරු චාමර බලන්න නිතර රෝහලට ගියා. චාමර මියගිය ආරංචියට ළමුන් බොහෝ දෙනෙක් වැළපෙන්න ගත්තා. අපේ පාසලට චාමරගේ වියෝවීම ලොකු අඩුපාඩුවක්. චාමරගේ අවසන් කටයුතු කිරීමට අපේ පාසලේ ගුරුවරු සහ ළමුන් දැඩි කැපවීමක යෙදුණා. මතුභවයේදී රුවන් චාමරට මෙවැනි අකල් මරණයක් නොවේවායි මම එක හිතින් ප්රාර්ථනා කරනවා.’’
මාතලේ දිසා මහ රෝහලේ අධිකරණ වෛද්ය නිලධාරි ඩී.එල්. වෛද්යරත්න මහතා මෙම අයගේ මරණය සම්බන්ධව පශ්චාත් මරණ පරීක්ෂණය පවත්වා ඩෙංගු උණ වැළඳී මෙම අය මියගොස් ඇති බව පශ්චාත් මරණ පරික්ෂණ වාර්තාවේ සඳහන් කොට තිබුණි.
මාතලේ ඇම්.ඩබ්.සෝමරත්න
“දිනක් බන්ධනාගාර භාරයේ සිට උපදේශනය සඳහා පැමිණි වයස අවුරුදු 50 පසුවෙන පමණ කාන්තාවක් හඬා වැටෙමින් පැවැසුවේ තම සැමියාට අනියම් සම්බන්ධයන් තිබුණාදැයි සැක
පෙරභවය හෙළි කළ දරුවන් මගින් අපූරු තොරතුරු වරින්වර අසන්නට ලැබේ. ඒ අතරින් අතිශය අසිරිමත් සිදුවීමක් පසුගිය දිනෙක සිදුවිය. එම පුනර්භව සාධකයට හේතු වූයේ මීට
මිනිසාගේ පැරණිතම මිතුරෙකු වශයෙන් සැලකෙන සුනඛයා වත්මන් යුගය වන විට නිවෙසේ ආරක්ෂකයෙකු සේම සුරතලෙකු වශයෙන්ද ආරක්ෂක අංශවලට සම්බන්ධ වී විවිධ අපරාධ පුපුර
මදු හා උඟුල් අටවා වන සතුන් දඩයම් කර ගැනීමට මෙරට බහුලව සිදුවෙන ක්රියාදාමකි. මෙරට බොහෝ වනාන්තර ආශ්රිතව වන සතුන් දඩයම් කර ගැනීම ඉලක්ක කර ගනිමින් මෙසේ මද
සන්නිවේදන පහසුකම් නැති කුප්පි ලාම්පුවෙන් එළිය දකින මහ කැලේ මැද කඳු මුදුනේ ජීවත්වෙන මිනිසුන් හමුවීමට පසුගියදා මහනුවර මහ දිසාපති චන්දන තෙන්නකෝන් මහතා
සාමාන්ය ව්යවහාරයේදී අපි අප්රේල්, මැයි මාසවල පතිත වන වර්ෂා සහිත කාලගුණයට බක්මහ අකුණු යයි කියමු. එම කාලයේදී පතිත වන අධික වර්ෂාපතනයත් සමග විදුලි කෙටීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මාතලේ සිසුවෙක් ඩෙංගු රකුසාට බිලි