(ඩයනා උදයංගනී සහ සුජිත් හේවාජුලිගේ) 
 
යළිත් රට තුළ යුද්ධයක් ඇතිවීමට ඉඩ තබන්නේ නැති අගමැති රනිල් වික්‍රමසිංහ මහතා පාර්ලිමේන්තුවේදී අද පැවසීය. 
 
රට තුළ වර්තමානයේ දී ඇති වී ඇති ත්‍රස්තවාදය තුරන් කිරීමට ජාත්‍යන්තර සහයෝගය ද ලබා ගනිමින් ක්‍රියා කරන බව ද  වික්‍රමසිංහ මහතා සඳහන් කළේය.
 
මෙය ආගම් පදනම් කරගත් ත්‍රස්තවාදයක් වුවත් බහුතර මුස්ලිම් ජනතාව එයට විරුද්ධ බව අගමැති රනිල් වික්‍රමසිංහ මහතා ප්‍රකාශ කළේය.
 
1983දී එල්.ටී.ටී.ඊයට සහය දැක්වූයේ සුළු පිරිසක් වුවත් එය ජාතිවාදී කෝලාහලයක් වීමෙන් තත්ත්වය දුර දිග ගිය බව කී අගමැතිවරයා වත්මන් තත්ත්වය එසේ දුර දිග යාමට ඉඩ නොතබන බව කීවේය.