(ඩයනා උදයංගනී සහ සුජිත් හේවාජුලිගේ)

මඩකලපුව විශ්ව විද්‍යාලය හා ඊට අනුබද්ධ හීරා පදනමේ ප්‍රධානීන් වන නැගෙනහිර පළාත් හිටපු ආණ්ඩුකාර එම්.එල්.ඒ.එම් හිස්බුල්ලා සහ ඔහුගේ පුත් හිරාස් හිස්බුල්ලා යන අය පාර්ලිමේන්තු කෝප් කමිටුව හමුවට අද (17) දිනයේදී කැඳවා තිබුණ ද ඔවුහු ඒ හමුවේ පෙනී නොසිටියහ.

විදේශ දූත මණ්ඩල රැස්වීමක් සඳහා විදේශ ගත වන බව දන්වා ඔවුන් කමිටුව හමුවට පැමිණ නොතිබිණි.

එම නිසා සහභාගි වූ බව කියන දූත මණ්ඩල රැස්වීම පිළිබඳ ලිඛිත තොරතුරු ද රැගෙන කමිටුව හමුවේ ඔක්තෝබර් 9 වැනිදා පෙනී සිටින ලෙස එහි සභාපති සුනිල් හඳුන්නෙත්ති මහතා ඔවුන්ට නියෝග කළේය.

පරමාණු බලශක්ති අධිකාරිය  හෙට (18) දිනයේත් භූ විද්‍යා හා පතල් කාර්යංශයේ නිලධාරීන්ට ‍අනිද්දා (19) දිනයේත් කාරක සභාව හමුවට පැමිණෙන ලෙස දන්වා ඇති බව කෝප් කමිටු සභාපති පාර්ලිමේන්තු මන්ත්‍රී සුනිල් හඳුන්නෙත්ති මහතා පැවසීය.