සිල්ලර පොරොන්දු අපේ කාන්තාවන්ට
(විනීතා එම් ගමගේ)
මැදපෙරදිග සේවය කරන ශ්‍රී ලාංකික කාන්තාවන්ගේ සේවා සුරක්ෂිතතාවය ඇතිකරන බවට පොරොන්දු වන සජිත් පේ‍්‍රමදාස මහතාට කිව යුතුව ඇත්තේ සිදුවිය යුත්තේ තව තවත් අපේ කාන්තාවන්ට වහල් සේවයට යන්නට පාර කැපීම නොව මැදපෙරදිග නොගොස් මේ රටේ ජීවත් වෙන්නට ආර්ථික ශක්තිය සකසා දීමට කටයුතු කිරීම යැයි ශ්‍රී ලංකාවේ කොමියුනිස්ට් පක්ෂයේ තරුණ සම්මේලනයේ ලේකම් සුභානි අල්මේදා මහත්මිය පැවැසුවාය.
ජනගහනයෙන් වැඩි ප‍්‍රතිශතය වන කාන්තාවන්ට අවශ්‍ය වන්නේ කවර දේ දැයි නිවැරදිව හඳුනාගත හැකි පාලකයන් රටට අවශ්‍ය යැයි ද ඇය පැවසුවාය.
මැදපෙරදිග වහල්කම තව තවත් නිත්‍යානුකූල කරනු වෙනුවට තමන්ගේ රටේ යමක් උපයමින් ජීවත් වෙන්නේ කෙසේ දැයි කියා දිය හැකි පාලකයෙක් රටට අවශ්‍ය යැයි ද අල්මේදා මහත්මිය පැවසුවාය.
සිල්ලර පොරොන්දු වෙනුවට කාන්තාවක් ලෙස තමන් කැමති කේෂත‍්‍රයකින් ඉහළට යන්නට අවස්ථාව ලබාදීමත් ස්වාධීන පුරවැසියෙක් ලෙස ජීවත්වන්නට පසුබිම සැකසීමත් පමණක් හොඳටම ප‍්‍රමාණවත් යැයි ද ඇය කීවාය.
තමන් නියෝජනය කරන තරුණ පරපුර 90 දශකයෙන් එපිට අත්දැකීම් නොදන්නා නිසා ඒ ගැන කියා දෙන්නැයි වැඩිහිටියන්ගෙන් ඉල්ලා සිටින බව ද ඇය තවදුරටත් කියා සිටියාය.
සුභානි අල්මේදා මහත්මිය මේ අදහස් පළ කළේ ඒකාබද්ධ මාධ්‍ය මෙහෙයුම් මධ්‍යස්ථානයේ අද (7) පැවති මාධ්‍ය හමුවක් අමතමිනි.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
