(සිතුම් චතුරංග)

       

ත්‍රස්ත කටයුතු වලට සම්බන්ධ බවට පවසමින් අත්අඩංගුවට ගත් පලෙයි රෝහලේ වෛද්‍ය නිලධාරියා මුදාහරින්නැයි ඉල්ලා පලෙයි ප්‍රාදේශීය සභාවේ මන්ත්‍රීවරුන් පිරිසක් අද (20) පලෙයි රෝහල ඉදිරිපිට විරෝධතාවක නිරතවූහ.

රෝහලේ සිටි දක්ෂ වෛද්‍යවරයාට ත්‍රස්ත චෝදනා එල්ල කරමින් අසාධාරණ ලෙස ඔහු අත්අඩංගුවට ගෙන ඇති බවත් වහාම ඔහු නිදහස් කර යළි පලෙයි රෝහල වෙත සේවයේ පිහිටුවන ලෙස රජයට බලකරමින් මන්ත්‍රීවරුන් හා ප්‍රදේශවාසීන් විරෝධතාවයේ නිරතවිය.

පසුගිය 18 වැනිදා දෙමළ ඩයස්පෝරාව හා විවිධ ත්‍රස්ත කටයුතු වලට ආධාර අනුබලදීම සම්බන්ධයෙන් සින්නතම්බි ශිවරූබන් නැමති පලෙයි රෝහලේ වෛද්‍යවරයා යුද හමුදාව විසින් අත්අඩංගුවට ගනු ලැබීමෙන් පසුව ඔහු ත්‍රස්ත විමර්ශන ඒකකය වෙත බාරදෙනු ලැබීය.

වෛද්‍යවරයා අත්අඩංගුවට ගැනීමෙන් රෝහලේ සායනික කටයුතු ඇණහිට ඇති බවත් රෝගී ජනතාව පීඩාවට පත්ව ඇති බවද ප්‍රදේශවාසීන් පැවසීය.