ඊජිප්තුවේ කයිරෝ නගරයට දකුණින් පිහිටි පාරාවෝ රජවරුන්ට අයත් සුසාන භූමියකින් ඉතා හොඳින් සංරක්ෂණය කරන ලද සිරුරු 100 ක් පමණ හමුවී තිබේ.
පුරාවිද්යාඥයින් පවසන්නේ මේවා වසර 2500ක් පමණ පැරණි බවයි.
ඉතා හොඳින් මුද්රා තබා තිබූ පෙට්ටි වල සංකීර්ණ තීන්ත මෝස්තර හොඳින් ආරක්ෂා වී ඇති බවද ඔවුහු පෙන්වා දෙති. රන් ආලේපිත මුහුණු ආවරණ හා රන් ආභරණ ද සමග සිරුරු මිහිදන් කර තිබූ බව ද ඔවුහු පවසති. සිරුරේ හැඩයටම සකස් කරන ලද දැවමය පෙට්ටිවල සිරුරු සුරක්ෂිත කර තිබේ.
එම සිරුරු උසස් පුද්ගලයන්ට අයත් ඒවා වියහැකි බව ඒවා සංරක්ෂණය කර තිබෙන ආකාරයෙන් පෙනී යන බව ද පුරාවිද්යාඥයෝ පවසති.
"මෙම සොයාගැනීම විශේෂිතයි, සිරුරු බහා තිබූ පෙට්ටිවල ගුණාත්මකභාවය හා ප්රමාණය අනුව ඒවා උසස් පුද්ගලයන්ට අයත් බව පෙනී යනවා." යනුවෙන් ඊජිප්තුවේ පුරාවස්තු කවුන්සිලයේ මහලේකම් මොස්ටාෆා වසිරි පැවසීය.
පුරාවිද්යාඥයින් විසින් එක් පෙට්ටියක් විවෘත කර සිරුර ස්කෑන් පරීක්ෂණයක් සඳහා යොමුකර තිබේ. එමගින් සිරුර සංරක්ෂණය කළ ආකාරය සම්බන්දව තොරතුරු සොයාගැනීමට හැකිවූ බව ඔවුහු පවසති.
එම සිරුර අඩි 5.4 - 5.7 අතර පිරිමි පුද්ගලයෙකුට අයත් බවත් ඔහුගේ ජීවිත කාලය හොඳ සෞඛ්යයෙන් ගතකර ඇති බවත් අවුරුදු 40 - 45ත් අතර වයසේදී මියයන්නට ඇති බවත් විද්යාඥයෝ අනුමාන කරති.
සංචාරක හා පුරාවස්තු අමාත්යාංශය පවසන්නේ මෙම පෞරාණික සිරුරු ඊජිප්තුව පුරා පිහිටි කෞතුකාගාර වලට යැවීමට සැලසුම් කර ඇති බවයි.
ඊජිප්තුවේ පළමු රාජ වංශය දක්වා දිවෙන මෙම විශාල සුසාන භූමියේ පැරණිතම පිරමීඩය ද පිහිටා තිබේ.
සීඑන්එන් ඇසුරිණි
085
(ඡායාරූප - රොයිටර්)
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
පාරාවෝ සුසාන භූමියකින් වසර 2500 ක් පැරණි සිරුරු 100 ක්
chandima Sunday, 22 November 2020 10:30 PM
ඒ කාලේ කොරෝනා නැතිනම් වෙනත් එවැනි භයානක වෛරසයකින් මියගිය පිරිසකගේ මළසිරුරු වෙන්න බැරිද?
kamal Monday, 23 November 2020 04:59 AM
අපිට හම්බ වුණා නම් ඉක්මනට ඇමෙරිකාවට යවාවි..
AmareTuesday, 24 November 2020 06:30 AM
නැහැ අපිටත් ඔහොම සුගලා දේවියගේ මමිය ලැබුණු බවත්, පොලොන්නරුවේ කට්ටියක් ඒකට වැඩේ දුන්නු බවත් රටම දන්නවා නේද? අපරාදෙ මේ වගේ ලොවටම පෙන්වන්න තිබ්බ අවස්ථාවක් නැතිකළා. අපේ ඉතිහාසය සම්බන්ධ වැදගත්ම සොයාගැනීමක් නැතිවුණා මේ පාහරයෝ නිසා...
Nihal Wednesday, 25 November 2020 03:17 PM
මෙහෙ නම් වසර 2500ක් පැරණි එක වසර 2000කට කළින් හාරලා