රාජ්‍ය ත්‍රාන්තික මෙහෙයුමකට පාඨලීගෙන් යෝජනාවක්

(අජන්ත කුමාර අගලකඩ)

ශ්‍රී ලංකාවට එරෙහිව එක්සත් ජාතීන්ගේ මානව හිමිකම් කොමිෂන් සභාව හමුවේ ඇති යෝජනාව ඉවත් කර ගැනීමට රාජ්‍ය තාන්ත්‍රික මෙහෙයුමක් ක්‍රියාත්මක කළ යුතු බව මහනගර හා බස්නාහිර සංවර්ධන ඇමැති පාඨලි චම්පික රණවක මහතා අද (23) කැබිනට් රැස්වීමේදී ප්‍රකාශ කර ඇතැයි වාර්තාවේ.

එසේ නොකර සත්‍ය සෙවීමේ කොමිෂන් අතුරුදන්වුවන්ගේ ලේකම් කාර්යාල හානි පූර්ණ වන්දි ගෙවීම් ආදිය කිරීමෙන් පලක් නොවන බව ද ඇමැතිවරයා කැබිනට් රැස්වීමේදී ප්‍රකාශ කර ඇතැයි පැවැසේ.

එක්සත් ජාතීන්ගේ මානව හිමිකම් කොමිෂන් සභාව හමුවේ ඇති යෝජනාව ඉවත් කර ගැනීමට රජය කටයුතු නොකරන්නේ නම් මින් ඉදිරියට මෙවැනි කටයුතු සඳහා සහය නොදෙන බවද ඇමැතිවරයා ප්‍රකාශ කළේ යැයි රජයේ ආරංචි මාර්ග කියයි.

ඇමැතිවරයා මේ බව ප්‍රකාශ කර ඇත්තේ සත්‍ය සෙවීමේ කොම්ෂන් සභාවක් පිහිටුවීමට අදාළ පනත් කෙටුම්පතක් සකස් කිරීම කැබිනට් මණ්ඩලයට ඉදිරිපත් කර තිබූ යෝජනාවක් පිළිබඳ අදහස් දක්වමිනි.

සත්‍ය සෙවීමේ කොමිෂන් සභාව පිහිටුවීමට අදාළ පනත් කෙටුම්පත සකස් කිරීමේ යෝජනාවට කැබිනට් ඇනුමැතිය ලැබී ඇති බවද වාර්තාවේ.

අදහස් (3)

රාජ්‍ය ත්‍රාන්තික මෙහෙයුමකට පාඨලීගෙන් යෝජනාවක්

CHANDA Wednesday, 24 October 2018 01:35 AM

තමුසෙත් සාජුවම වගකියන්න ඕනි රටේ මේ වෙමින් තියෙන පරිහානියට

: 0 0

lalith Wednesday, 24 October 2018 01:53 AM

ඔය මෙහෙයුම් කරලා, තවත් කීයක් හරි වියදම් කරලා සංදර්ශන පෙන්නන්න එපා. තමුන්ට රජවෙන්න ලැබෙනතුරු වෙනත් කෙනෙකුට ලංකාවේ රජකම් කරන්න බැරිවෙන්න සුදු බාප්පලාට කියලා ඔය යෝජනාව ගෙනාපු අර ගෙවලයටම කියලා ඕක අයින් කරවන්න වෙනවා. මොකද මිනිහ පොරොන්දු වෙලා තියෙනවනේ රජ වූ දවසට ලංකාව බෝල පිට්ටනියක් කරලා දෙන්න. හිතේ හැටියට ඒ අයට සෙල්ලම් කරන්න. ඉතින් මිනිහ රජවෙනකල් අපේ රටට හෙන ගැහැව්වත් මිනිහ අැහැක් ඇරලා බලන්නෙත් නැහැ. ඔය යෝජනාව අයින් වෙන්නෙත් නැහැ.. අම්මපා රටට ආදරයක් නැති මේ බල ලොභියට තවත් අපේ ගොබ්බයින් රැවටෙනවනේ? මේ තරම් රටට දේවල් වෙලා තියෙද්දීත් එ්ක තේරෙන්නේ නැති මොලේ නැති අපේ හරකුන්ට පුන්නක්කු කවන්න තමයි තියෙන්නේ...

: 0 0

dasun Wednesday, 24 October 2018 06:08 AM

අවුරුදු තුනක් තිස්සේ රට කන්න ඇරලා ඇස කන වහගෙන ඉඳලා දැන් මොකද රට බේරගන්න මතක් වුනේ...? මංගල ඇමති ඔය ජිනීවා යෝජනාව පිළිගත්ත වෙලේ රටට ආදරයක් හිතුනෙම නැද්ද? දැන් සරත් වීරසේකර සහ දේශීය විදේශීය ලාංකිකයන් රට වෙනුවෙන් ඔවුන් ජාත්‍යන්තරයට ගිහින් කරපු ටිකට ලකුණු ගන්න වෙන්න ඇති ඔය ලැස්ති වෙන්නේ... !!!

: 0 0