‘අදත් කිසිදු කොරෝනා ආසාදිතයකු වාර්තා වී නැහැ’
(දිල්රුක්ෂි ග්‍රේරු)
කිසිදු කොරෝනා ආසාදිතයකු අද (26) දිනයේදීද මේ වනතුරු හමු නොවූ බවට සෞඛ්‍ය අමාත්‍ය පවිත්‍රා වන්නිආරච්චි මහත්මිය කීවාය.
ඊයේ (25) දිනයේදීත් කිසිදු ආසාදිතයකු වාර්තා නොවු අතර අද සවස 4.45 වන තුරුත් කිසිදු අසාදිතයකු වාර්තාවී නොමැත.
ඒ අතර අයි.ඩී.එච් රෝහලේ ප්‍රතිකාර ලබමින් සිටි ආසාදිත රෝගීන් සිව් දෙනකුද සුවය ලබා අද නිවෙස්වලට ගොස් ඇතැයිද අමැතිවරිය පැවසුවාය.
මේ වන විට ශ්‍රී ලංකාවෙන් වාර්තා වූ කොරෝනා ආසාදිතයින්ගේ සංඛ්‍යාව 102 කි.
කොවිඩ් 19 වැලැක්වීමේ ජාතික ක්‍රියාන්විත මධ්‍යස්ථානයේ අද පැවැති මාධ්‍ය හමුවේදී ඇමැතිවරිය මේ බව පැවසූවාය.
-
sathyapala Thursday, 26 March 2020 12:06 PM
කිසිදා පරාද කළ නොහැකි බව කියූ කොටි නායක ප්‍රභාකරන් නන්දිකඩාල් කලපුවට කොටුකර ත්‍රස්තවාදය අවසන් කළ ලෙසටම කොරෝනා වයිරසයද ශ්‍රී ලංකාවේදී මුළුමනින්ම කොටුවී අවසන් ගමන් යන දිනය වැඩි ඈතක නොවන බවට හොදින්ම ලකුණු තිබෙනවා. යුද ජයග්‍රහණය සැමරූ ලෙසටම ලග එන අලුත් අවුරුද්දට රටම පාරට බැස කැවුම්, කිරිබත් ඉදෙන සුවද හිතේ මැවෙනවා. මෙවර එහි විශේෂත්වය කොරෝනා පරාජය ජාති ආගම් භේදයකින් තොරව උතුරු , නැගෙනහිරද ඇතුළුව මුළු රට පුරා සමරන්නට හැකි වීමයි. එය රට එක්සේසත් කර ජාතියක් ලෙස එකට අත්වැල් බැද දියුණුව කරා යන්නට පදනම වැටීමක්. ජය...!
Reply : 509 646
Akila Thursday, 26 March 2020 12:15 PM
පරික්ෂා නොකළහම හම්බවෙන්නේ නැහැ තමයි.
Reply : 0 1
Champa Thursday, 26 March 2020 12:30 PM
කී දෙනෙක් ටෙස්ට් කරලද බින්දුව ආවේ?
Reply : 254 242
Champa Thursday, 26 March 2020 12:40 PM
කොරෝනා හැදිලා කියල තහවුරු වුනු පොහොට්ටුවේ පළාත් සභා මන්ත්‍රීවරයෙක් අයිඩීඑච් රෝහලේ ප්‍රතිකාර ලබනවා. ඔහුත් එක්ක කිට්ටුවෙන් මැතිවරණ කටයුතු කරපු බැසිල් රාජපක්ෂව දින 14ක් ස්වයං නිරෝධනයට ලක් වුනා හෝ ලක් කළා කියල පත්තරවල ලොකුවට දාලා දවස් දෙකක් යනකොට බැසිල් රාජපක්ෂ නිරෝධනය කඩලා මුකවාඩමත් පහලට දාගෙන අරලිය ගහ මන්දිරේ තිබ්බ පක්ෂ නායකයන්ගේ රැස්වීමට ඇවිල්ල තිබ්බා. ඊට පස්සේ තවත් කොරෝනා රැස්වීමක මුකවාඩම නැතුව කතා කළා. අවශ්‍ය පරතරය තියාගෙනත් නැහැ. ලංකාවේ මීටර් 1යි. ජාත්‍යන්තරය අඩි 6යි පරතරය. දැන් බැසිල් රාජපක්ෂට විරුද්ධව ගන්න ක්‍රියා මාර්ගය මොකක්ද? මෙහෙම කරපු සමහර මිනිස්සු හිරේ දාල තියෙනවා. පොලට එන අහිංසක මිනිස්සුන්ට මුඛවාඩම් දාගන්න කියලා තව මිනිස්සු තර්ජනය කරනවා. ඇඳිරි නීතිය කැඩුව කියලා තුන්දාස් ගානකට වැඩි පිරිසක් හිරේ දාල. වඩා ලොකු වැරැද්ද මොකක්ද? ඔවා දෙනු පරහට තමා සම්මතෙහි පිහිටා සිට.
Reply : 884 835
Thilina Thursday, 26 March 2020 02:00 PM
අපිට මතකයි චම්පා පහුගිය ජනාධිපතිවරණයේදී පුතාණෝ වෙනුවෙන් කඩේ ගිය අපූරුව.. දැන් හිතේ වේදනාවට ඊර්ෂ්‍යාවට කියවන්න දෙයක් හොයාගෙන ..රටක් විදිහට අපි හැමෝම සතුටු වෙනවා... නිවැරැදි නායකත්වය රටට ලැබීම පිළිබඳව. කලින් පාලනය තිබ්බනං මේ වෙනකොට මුළු රටම අමු සොහොනක් බවට පත් වෙලා. කරුණාකර රටට සහයෝගය දෙන්න .පස්සේ දේශපාලනය කරන්න
Reply : 301 270
Maalaka Thursday, 26 March 2020 11:44 PM
එතකොට සෞඛ්‍ය අමාත්‍යංශය කියලා තියෙන්නේ දැන් 106 ට නැගලා කියලා.
Reply : 0 9
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
