(බන්දුල ඉලේපෙරුම)

පාර්ලිමේන්තුවට ඉදිරිපත් කළ 20 වැනි ආණ්ඩුක්‍රම ව්‍යවස්ථා සංශෝධන කෙටුම්පත තුනෙන් දෙකක බහුතර ඡන්දයෙන් මීට සුළු මොහොතකට පෙර සම්මත විය.

එහිදී ව්‍යවස්ථා සංශෝධනයට පක්ෂව ඡන්ද 156ක් හා විපක්ෂව ඡන්ද  65ක් ලැබිණි.

සමගි ජනබලවේගය සමග එක්ව තරග කර පාර්ලිමේන්තුවට පැමිණි රිෂාඩ් බදියුදීන් මන්ත්‍රීවරයාගේ පක්ෂයේ මන්ත්‍රීවරු පිරිසක්ද 20 වැනි ව්‍යවස්ථා සංශෝධන කෙටුම්පතට පක්ෂව ඡන්දය භාවිත කළහ. නමුත් රිෂාඩ් බදියුදීන් මන්ත්‍රීවරයා ඊට විරුද්ධව ඡන්දය භාවිත කළේය.

මීට පෙර විරෝධය පළ කළ විජයදාස රාජපක්ෂ මහතාද පක්ෂව ඡන්දය භාවිත කළේය. සමගි ජනබලවේගයේ ඩයනා ගමගේ මන්ත්‍රීවරියද 20 වැනි ආණ්ඩුක්‍රම ව්‍යවස්ථා සංශා්ධනයට පක්ෂව ඡන්දය ලබාදුන්නාය.

...............................................................................................................................................

 

20වැනි සංශෝධන කෙටුම්පත තෙවැනි වර කියවීමෙන් පසු ඊට පක්ෂව මන්ත්‍රීවරු 156 ක්ද, විපක්ෂව මන්ත්‍රීවරු 65 ක්ද ඡන්දය ලබාදුන්හ.

ඒ අනුව එම කෙටුම්පත තුනෙන් දෙකක බහුතර බලයකින් අද පාර්ලිමේන්තුවේදී සම්මත විය.