(ඉන්දිකා රාමනායක)

 

හිටපු අමාත්‍ය රිෂාඩ් බදියුදීන් මහතා සඟවාගෙන සිටීම, නවාතැන් දීම,  ප්‍රවාහනය  කිරීම යන  සිද්ධීන් සම්බන්ධයෙන්  කාන්තාවන් දෙදෙනෙකු ඇතුළු  සැකකරුවන් 7 දෙනෙකු අත්අඩංගුවට ගත් බව  පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.

මේ අතර වෛද්‍යවරියක් හා ඇගේ සැමියා ද සිටින බව   නියෝජ්‍ය පොලිස්පතිවරයා කියා සිටියේය.

අත්අඩංගුවට ගැනීමට සොයන   සැකකරුවකු සගවාගෙන සිටීම,  රැකවරණය   ලබා දීම, මෝටර් රථයකින්   කළුබෝවිල සිට දෙහිවල ප්‍රවාහන කිරීම යන   චෝදනා යටතේ මෙම පිරිස අත්අඩංගුවට ගත් බවද  අජිත් රෝහණ මහතා කියා සිටියේය.