(*** ඉන්දිකා රාමනායක, *** ශ්රීනාත් ප්රසන්න ජයසූරියරී සහ *** බිමල් ශ්යාමන් ජයසිංහ)
මහා පරිමාණ මත්කුඩු ජාවාරම්කරුවකු සහ සංවිධානාත්මක අපරාධ කල්ලි සාමාජිකයකු ලෙස සැලකෙන සේකර් උදයකුමාර හෙවත් ‘‘මෝදර උදයා’’ නමැත්තා කොළඹ මෝදර උයන නිවාස සංකීර්ණයේ හයවන මහලේ කොන්ක්රීට්වලින් තැනූ බංකරයක් (චමිනියක්) තුළ සැඟවී සිටිය දී පෙරේදා (23) රාත්රියේ අත්අඩංගුවට ගත් බව විශේෂ කාර්ය බළකාය කියයි.
සැකකරු අත්අඩංගුවට ගන්නා අවස්ථාවේ ඔහු සන්තකයේ තිබී හෙරොයින් ජාවාරමෙන් උපයාගත් රුපියල් ලක්ෂ 10ක පමණ මුදලක් ලක්ෂ 15ක් පමණ වටිනා රන් මාල ඇතුළු රන් භාණ්ඩ, හෙරොයින් ග්රෑම් 27ක්, අයිස් මත්ද්රව්ය ග්රෑම් 8ක් ද අත්අඩංගුවට ගත් බව විශේෂ කාර්ය බළකාය පවසයි.
සැකකරුගේ නිවස පරීක්ෂා කිරීමේදී කඩුවක්, නන්චක්කුවක්, කලා කිරිඤ්ඤයක් ද තිබී අත්අඩංගුවට ගත් බව විශේෂ කාර්ය බළකාය කියයි.
මෙම සැකකරු විදේශවල සැඟවී සිටින කුඩු ලාල්, පූකුඩුකන්නා නමැත්තන්ගේ සහ කුඩු කුමාරි, කුඩු රාණි නමැත්තියන්ගේ මත්කුඩු ජාවාරම් කරන බවට තොරතුරු ලැබී ඇතැයි විශේෂ කාර්ය බළකාය සඳහන් කරයි.
පොලිස් නිලධාරීන් මොහු අත්අඩංගුවට ගැනීමට අවස්ථා කිහිපයක දී ගිය ද අත්අඩංගුවට ගැනීමට නොහැකි වූ බවත් ඔහු නිවසේ රහස් බංකරයේ සැඟවී සිට පහළට පැමිණ පළා ගොස් ඇති බවත් විශේෂ කාර්ය බළකාය පවසයි.
මෙම සැකකරු මෝදර උයන නිවාස සංකීර්ණයේ 6 වැනි මහලේ නිවසක සැඟවී සිට කාලයක පටන් මත්කුඩු ජාවාරම් කරන බවට විශේෂ කාර්ය බළකායේ සංවිධානාත්මක අපරාධ මර්දන ඒකකයේ ඒකක (1) හි ස්ථානාධිපති ප්රධාන පොලිස් පරීක්ෂක රංජන් දිසානායක මහතාට ලැබුණු තොරතුරක් අනුව එම ඒකකයේ නිලධාරීන් කණ්ඩායමක් පෙරේදා රාත්රී 10.00ට පමණ එම නිවාස සංකීර්ණය වටලා මෙහෙයුමක් ආරම්භ කළ බවත් විශේෂ කාර්ය බළකාය සඳහන් කරයි.
නිලධාරීන් සැකකරු රැඳී සිටින නිවසට ගිය අවස්ථාවේ එහි දොරගුලු දමා තිබී ඇති අතර නිලධාරීන් දොර කඩාගෙන නිවසට ඇතුළු වී ඇත.
සැකකරු එම නිවසේ විශාල ප්රමාණයේ දොරවල් තුනක් පමණ සවිකර තිබූ බවත්, එම දොරවල්වලට අමතරව යකඩ දොරවල් ද සවිකර දැඩි ආරක්ෂිතව තිබූ බවත් උසස් නිලධාරියෙක් පැවසීය.
සැකකරු රැඳී සිටි කාමරයේ දොරවල්, යකඩ දොරවල් දමා අධි ආරක්ෂිත ලෙස සකස් කර තිබූ බව ද එම නිලධාරියා කීය.
මොහු රැඳී සිටින කාමරයෙන් රහස් බංකරය වෙත ගොස් සැඟවී සිටින බවත්, එම හේතුවෙන් කිසිවකුට මොහු හසු නොවූ බවත් විශේෂ කාර්ය බළකාය කියයි.
විශේෂ කාර්ය බළකායේ නිලධාරීන් පෙරේදා නිවස වටලන අවස්ථාවේ දී සැකකරු රහස් බංකරයේ සැඟවී සිට ඇති අතර නිලධාරීන් නිවස සම්පූර්ණයෙන්ම සෝදිසි කිරීමේ දී සැකකරුගේ රහස් බංකරය හමුවී ඇත.
බංකරය පරීක්ෂා කිරීමේ දී සැකකරු එහි සැඟවී සිටිය දී නිලධාරීන්ට හසුවී තිබේ.
මොහු ඔහුගේ ගැනුම්කරුවන්ට මත්කුඩු දෙන්නේ අවශ්ය ප්රමාණය මෙම බංකරයේ සිට බිමට දැමීමෙන් බව ද විශේෂ කාර්ය බළකාය කියයි.
සැකකරු අවට පිරිස බිය ගන්වමින් වෙනම සංවිධානාත්මක කල්ලියක් බිහිකරමින් සිටි පුද්ගලයකු බව ද එම බළකාය සඳහන් කරයි.
මොහුගේ බිරිඳ මත්කුඩු ජාවාරම සම්බන්ධයෙන් අත්අඩංගුවට ගෙන සිටි තැනැත්තියක් බව ද විශේෂ කාර්ය බළකා ආරංචිමාර්ග පවසයි.
මත්කුඩු ජාවාරම, පුද්ගලයන් බිය ගන්වා කප්පම් ගැනීම ඇතුළු අපරාධ රැසක් සම්බන්ධයෙන් සැකකරුට එරෙහිව නඩු ඇති බව ද විශේෂ කාර්ය බළකාය පවසයි.
පොලිස් විශේෂ කාර්ය බළකායේ අණදෙන නිලධාරි නියෝජ්ය පොලිස්පති වරුණ ජයසුන්දර මහතාගේ අධීක්ෂණය යටතේ, සංවිධානාත්මක අපරාධ මර්දන හා බුද්ධි කොට්ඨාසයේ අධ්යක්ෂ ජ්යෙෂ්ඨ පොලිස් අධිකාරි ශාන්ත රත්තෙපිටිය මහතාගේ උපදෙස් මත, සහකාර පොලිස් අධිකාරි ප්රසාද් කොඩිතුවක්කු මහතාගේ මෙහෙයවීම මත, සංවිධානාත්මක අපරාධ මර්දන ඒකකයේ ඒකක එකේ ස්ථානාධිපති පොලිස් පරීක්ෂක රංජන දිසානායක මහතා ප්රමුඛ පොලිස් කණ්ඩායමක් සැකකරු අත්අඩංගුවට ගත්තේය.
සමගි ජන බලවේග ආණ්ඩුවක් යටතේ පාස්කු ප්රහාර පරීක්ෂණ ගෙඩිය පිටින් ජාත්යන්තරයට ලබාදීමට සූදානම් නැතැයි විපක්ෂයේ ප්රධාන සංවිධායක ලක්ෂ්මන් කිරිඇල්ල ම
මත්පැන් නිෂ්පාදකයින්ගෙන් අයවිය යුතු හිඟ බදු මුදල් ලබන ජූනි 30 වැනිදා වන විට අයකර ගැනීමට කටයුතු කරන්න ලෙස ක්රම හා විධි පිළිබඳ කාරක සභාව ශ්රී ලංකා සුරා
විදුලි බල පනත් කෙටුම්පත විදුලි බල හා බල ශක්තිය අමාත්ය කංචන විජේසේකර මහතා පාර්ලිමේන්තුවට මීට ස්වල්ප වේලාවකට පෙර ඉදිරිපත් කළේය
හිටපු විපක්ෂ නායක ත්රිකුණාමල දිස්ත්රික් මන්ත්රී ආර්. සම්බන්ධන් මහතාට මාස තුනක කාලයක නිවාඩුවක් ලබාදීමට පාර්ලිමේන්තුව අද අවසර ලබා දුන්නේය.
ශ්රී ලංකාවේ පළමු ස්ට්රොබෙරි වගා ආදර්ශ ගම්මානය නුවරඑළියේ ස්ථාපිත කිරීමට ගොවිජන සංවර්ධන දෙපාර්තමේන්තුව කටයුතු යොදා තිබේ.
ශ්රී ලංකා නිදහස් පක්ෂයේ නායකයෝ වෙන්න දඟලන අය ජීවතේට අත ලකුණින් තරඟ කර නැතැයි අධ්යාපන අමාත්ය සුසිල් ප්රේමජයන්ත මහතා පාර්ලිමේන්තුවේදී පැවසීය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මෝදර ‘උදයා’ මහල් නිවසේ සැඟව සිටියදී අත්අඩංගුවට
Perera Friday, 25 September 2020 07:50 PM
කුඩු ජාවාරමේ තල්මසුන්ව අල්ලන්නේ කවද්ද?
BamunuarachchiSunday, 27 September 2020 07:31 AM
කුඩු ජාවාරම ගැන දැනගෙනද ඔය කතා කරන්නේ.?
Bamunuarachchi Sunday, 27 September 2020 07:32 AM
මොවුන් දුටුතැන අල්ලන්න ඕන.