(අජන්ත කුමාර අගලකඩ)

නව රජයේ අමාත්‍ය මණ්ඩලය පත් කිරීමේදී මුදල් අමාත්‍යධූරය සහ නිවාස හා ඉදිකිරීම් අමාත්‍යධූරය අගමැති මහින්ද රාජපක්ෂ මහතාට ලබා දීමට යෝජනා වී ඇතැයි රජයේ ආරංචි මාර්ග කියයි.

බුද්ධ ශාසන හා සංස්කෘතික අමාත්‍යධූරය ජනාධිපතිවරයා යටතේ තබා ගන්නැයි යෝජනා වී ඇති අතර ඒ සම්බන්ධයෙන් අවසන් තීරණයක් ගෙන නැතැයිද වාර්තා වේ.

දිනේෂ් ගුණවර්ධන මහතාට විදේශ ඇමැති ධූරයද , පවිත්‍රා වන්නි ආරච්චි  මහත්මියට සෞඛ්‍ය අමාත්‍යධූරයද , චමල් රාජපක්ෂ මහතාට වාරිමාර්ග ඇමැතිධූරයද , මහින්දානන්ද අලුත් ගමගේ මහතාට කෘෂිකර්ම ඇමැතිධූරයද , ප්‍රසන්න රණතුංග මහතාට සංචාරක හා සිවිල් ගුවන් සේවා ඇමැතිධූරයද ,  කෙහෙළිය රඹුක්වැල්ල මහතාට ජනමාධ්‍ය ඇමැතිධුරයද , ජනාධිපති නීතිඥ අලි සබ්‍රි මහතාට අධිකරණ ඇමැතිධූරයද , නාමල් රාජපක්ෂ මහතාට ක්‍රීඩා ඇමැතිධූරයද යෝජනා වී ඇති බව රජයේ ආරංචි මාර්ග කියයි.

එසේ වුවද මේ තනතුරු වලට පත්කිරීම සම්බන්ධයෙන් මෙතෙක් අවසන් තීරණයක් ගෙන නැති බවද පැවසේ.

ආචාර්ය නාලක ගොඩහේවා , ආචාර්ය සරත් වීරසේකර සහ ජීවන් තොන්ඩමන් යන මහත්වරුන්ටද ඇමැතිධූර ලැබීමට බොහෝ දුරට ඉඩ ඇති බව පැවසේ.

ඉකුත් කැබිනට් මණ්ඩලයේ ඇමැතිවරුන් සියලු දෙනාටම ඇමැතිධූර ලැබීමට නියමිත බවද වාර්තා වේ.

නව අමාත්‍ය මණ්ඩලය ජනාධිපති ගෝඨාභය රාජපක්ෂ මහතා ඉදිරියේ අනිද්දා (12) පෙරවරුවේදී මහනුවර මගුල් මඩුවේදී දිවුරුම් දීමට නියමිතය.