( පුත්තලම  / එච්. චන්දන ) 

සිය බිරිඳට රීප්ප පටියකින් පහර දී ඝාතනය කළ තිදරු පියකුට අද (23) පුත්තලම මහාධිකරණ විනිසුරු සමන් කුමාර මහතා මරණීය දණ්ඩනය නියම කළේය.

මෙසේ මරණ දඩුවම නියම වුයේ  මුන්දලම පොලිස් වසමේ කරුංගල්චෝල පදිංචිව සිටි  ඇල්බට් නිලංගන් (37) නැමති අයකුටයි.

මෙම තැනැත්තා නිරන්තරවම මතට ඇබ්බැහිව තම දරුවන්ට හා බිරිඳට සිට පහර දෙන අතර සිද්ධිය වූ දින 2017 සැප්තැම්බර්  16 හෝ ඊට ආසන්න දිනයකදී  මුන්දලමකරුංගල්චෝල තම නිවසේදී බිරිදට රීප්ප පටියකින් හිසට පහරදී ඝාතනය කිරීම සම්බන්ධව චුදිතයාට එරෙහිව අධි චෝදනා පත්‍ර ගොනු කර තිබිණි.

සිද්ධිය වූ දින ද දරුවන් ගෙට දමා දොරවල් වසා , බිරිදට රිප්ප පටියකින් හිසට පහරදී  තුවාල සිදුකර අසල වැවකට දමා ඇත.
මෙය දුටු දරුවන් හා සහෝදරයා තුවාලකාරිය රෝහල් ගත කර ඇති අතර මාස දෙකකට පසුව තුවාලකාරිය මරණයට පත්වී ඇත.

මෙම නඩු විභාගයේ සියළු සාක්ෂි හා වෛද්‍ය සාක්ෂි සාධාරණ සැකයකින් තොරව ඔප්පු වී ඇති නිසා චුදිතයාට මෙම මරණ දඩුවම නියම කරන බව මහාධිකරණ විනිසුරුවරයා ප්‍රකාශ කළේය. 

විත්තිය වෙනුවෙන් නිතිඥ අශ්නාන් පසාල් මහතාද, රජයේ අධි නිතිඥ විරේන් නානායක්කාර මහතා රජය වෙනුවෙන් සාක්ෂි මෙහෙය විය.