(ලක්ෂ්මී ජයකොඩි)
නුවරඑළිය දිස්ති‍්‍රක්කයේ පාසල් 16 ක් ජාතික පාසල් බවට පත් කිරීමට අධ්‍යාපන අමාත්‍යංශයේ අනුමැතිය ලැබී ඇත.

වතු නිවාස හා ප‍්‍රජා යටිතල පහසුකම් රාජ්‍ය අමාත්‍ය ජීවන් තොණ්ඩමන් මහතා සඳහන්  කළේ  දිවංගත තම පියාණන් වන ආරුමුගම් තොණ්ඩමන් මහතා විසින් ආණ්ඩුවෙන් කළ ඉල්ලීම්ට අනුව මෙම පාසල් ජාතික පාසල් බවට පත් කිරීමට අනුමැතිය ලැබී ඇති බවයි.

ඒ අනුව නුවරඑළියේ දිස්ති‍්‍රක්කයේ හයිලන්ඞ් විද්‍යාලය , බොස්කෝ විද්‍යාලය , තලවකැලේ දෙමළ  මහා විද්‍යාලය ,හොල්බෘක් දෙමළ මහා විද්‍යාලය, බොගොවන්තාලාව ශාන්ත මරියා විද්‍යාලය ,නෝර්වුඞ් දෙමළ මහා විද්‍යාලය, මස්කෙළිය සෙන් ජෝශප්  විද්‍යාලය , හොරන්සි විද්‍යාලය, බ්ලුම් ෆීල්ඞ් විද්‍යාලය, රාගල දෙමළ මහා විද්‍යාලය, අල් මින්හාජ් මුස්ලීම් මහා විද්‍යාලය ,පුඩළුඔය දෙමළ මහා විද්‍යාලය , ශුද්ධ ති‍්‍රත්ව දෙමළ මහා විද්‍යාලය , මෙතෝදිස්ත විද්‍යාලය, මරයා දෙමළ මහා  විද්‍යාලය යන විදුහල් ජාතික පාසල් බවට පත් කෙරෙන බවද අමාත්‍යවරයා පැවසීය.

කඳුකරයේ පාසල් අධ්‍යාපන නඟා සිටුවීමට එම ප‍්‍රදේශ වල පාසල් ජාතික පාසල් බවට පරිවර්තනය කිරීම වැදගත් බවත් ඒ වෙනුවෙන් අවශ්‍ය පියවර ගන්නැයි තමන්ද අධ්‍යාපන අමාත්‍ය ජී. එල්. පීරිස් මහතාගෙන් කළ ඉල්ලිම් වලට යහපත් ප‍්‍රතිචාර හිමිව ඇති බවද ජීවන් තොණ්ඩමන් මහතා වැඩිදුරටත් පැවසීය.