IMG-LOGO

2025 ජුලි මස 08 වන අඟහරුවාදා


ට්‍රම්ප්ගේ ආධාරකරුවෝ සිව්දෙනෙක් පොලිස් වෙඩි පහරින් මරුට

ඇමෙරිකාවේ කොලොම්බියා දිස්ත්‍රික්කයේ වොෂින්ටන් අගනුවර සෙනට් සභාව පිහිටි කැපිටල් ගොඩනැගිල්ලට ජනාධිපති ට්‍රම්ප්ට සහාය දක්වන කලහකාරී පිරිසක් කඩාවැදී එහි සිදුවූ වෙඩි තැබීමක් හේතුවෙන් ට්‍රම්ප්ගේ ආධාරකරුවන් සිව්දෙනෙකු මිය ගොස් ඇත.

ඇමෙරිකාවේ පාර්ලිමේන්තුව හෙවත් කොංග්‍රසයේ විවාද පැවැත්වෙන ස්ථානවලට ද කඩාවැදුණු එම පිරිස රාජ්‍ය දේපළවලට හානි කළේ යැයි ද මියගිය පිරිස අතර කාන්තාවක ද වන බව ද වාර්තා වේ.

කලහකාරී පිරිසක් කඩාවදින අවස්ථාවේදී ඇමෙරිකානු කොංග්‍රසයේ සෙනට් සභාවේ මැතිවරණ සමූහ ඡන්ද ගණනය අවසන් කරමින් පැවැතුණි. ඩිමොක්‍රටික් පක්ෂයේ ජනාධිපති අපේක්ෂක ජෝ බයිඩන්ගේ ජනාධිපතිවරණ ජයග්‍රහණය තහවුරු කිරීම සඳහා එම ක්‍රියාවලිය සිදුවෙමින් පැවැති අතර ඇමෙරිකා එක්සත් ජනපදයේ උප ජනාධිපති මයික් පෙන්ස් ද සෙනට් සභාවේ සිටියේය.

එම පිරිස කඩා වැදීමත් සමඟ ආරක්ෂක අංශ උප ජනාධිපතිවරයා සහ කොංග්‍රසයේ සාමාජිකයන් ආරක්ෂිත ස්ථානවලට රැගෙන ගියහ.මේ සිදුවීමෙන් ඇමෙරිකානු ප්‍රජාතන්ත්‍රවාදය දැඩි තර්ජනයකට මුහුණ දුන්නේ යැයි ද එම වාර්තාවල දැක්විණි.

ඇමෙරිකාවේ වොෂින්ටන් අගනුවර පිහිටි කැපිටල් ගොඩනැගිල්ල යනු එරට වැඩිම ආරක්ෂාවක් ලබා දී ඇති ස්ථානවලින් එකක් වන අතර මෙය ඇමෙරිකානු ඉතිහාසයේ දරුණුම ආරක්ෂාව කඩවීම්වලින් එකක් යැයි ද පැවසේ.

ඇමෙරිකා එක්සත් ජනපදයේ ජනාධිපතිවරණය පසුගිය වසරේ නොවැම්බර් මාසයේදී පැවැත්විණි. ඉන් ඩිමොක්‍රටික් පක්ෂයේ අපේක්ෂක ජෝ බයිඩන් ජයග්‍රහණය කළ අතර ඔහු ලබන 21 වැනිදා ජනාධිපති ධුරයේ දිවුරුම් දීමට නියමිත ය.මෙම වෙඩිතැබීම් සිදුවීමට පෙර කැපිටල් ගොඩනැගිල්ල දෙසට පාගමනේ යන්නැයි ද ජනාධිපති ට්‍රම්ප් ඔහුගේ ආධාකරුවන් උනන්දු කර තිබිණි. 

විදෙස් මාධ්‍ය ඇසුරිනි

(055)


 

(ඡායාරූප - බීබීසී ඇසුරිනි)

තවත් ඡායාරූප සඳහා පිවිසෙන්න - ට්‍රම්ප්ගේ ආධාරකරුවෝ සෙනට් සභා ගොඩනැගිල්ලට කඩාවදිති



අදහස් (3)

ට්‍රම්ප්ගේ ආධාරකරුවෝ සිව්දෙනෙක් පොලිස් වෙඩි පහරින් මරුට

ranjan Thursday, 07 January 2021 07:17 AM

අපේ රටේත් ඉන්නවා හැම තිස්සේම පාර්ලිමේන්තුව වට කරන්න පාර්ලිමේන්තුවට බෝම්බ ගහන්න බලාගෙන ඉන්න අය. හොඳයි ඔහොම යමුකෝ.

:       4       9

RaveendraThursday, 07 January 2021 08:00 AM

ඔබ සඳහන් කලේ අරක දියව්, මේක දියව්, අරක කරව්, මේක කරව්... අතනට අත නොතබනු, මෙතනට අත නොතබනු කියමින් කෑමොර දෙන 300% හාදයෝ ටිකද නැත්නම්..?

:       7       8

සමිත සේනක අලුත්ගමගේ. Thursday, 07 January 2021 08:31 AM

රටේ බලයේ සිටිනා ජනපතිගේ ගෝල බාලයන් වෙත, කෙසේවෙතත් හයියෙන් සද්දයක් දාන්නවත් අපේ ආරක්ෂක අංශවල ඇත්තන්ට පුළුවන් වෙයිද? ඒ අතින් ඇමරිකාව අපට වඩා කොතරම් ඉදිරියෙන්ද සිටින්නේ. හරි වැරැද්ද නෙමෙයි. අපේ රටක ආරක්ෂක අංශ මේ වගේ එඩිතරව කටයුතු කරයිද?

:       3       10

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 145 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 622 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1032 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site