(නාලක සංජීව දහනායක)
 
සිංහල භාෂාවෙන් පමණක් ජාතික ගීය ගායනා කිරීමට රජය තීරණය කර නැතැයි අග‍්‍රාමාත්‍ය මහින්ද රාජපක්‍ෂ මහතා අද (14) පැවැසීය.

 
යම් මතයක් දරණ දේශපාලනඥයන් ජාතික ගීය සිංහල භාෂාවෙන් ගායනා කිරීම විවිධ මත ප‍්‍රකාශ කළද එය ආණ්ඩුවේ තීරණයක් ලෙස සැලකිය නොහැකි බවද ඔහු කීය.
 
ද්‍රවිඩ මාධ්‍ය ප‍්‍රධානීන් සමග අරලියගහ මන්දිරයේදී අද (14)  පැවැති සාකච්ඡාවකට එක්වෙමින් අගමැතිවරයා සදහන් සිටියේ ද්‍රවිඩ උත්සවයකදී එම භාෂාවෙන් ජාතික ගීතය ගායනා කිරීමට තහනම් කර නැති බවය.
 
එක රටක තිබිය හැක්කේ එක ජාතික ගීතයක් පමණක් යැයි කී අගමැතිවරයා භාෂා රාශියක් කතාකරන ඉන්දියාවේත ජාතික ගීතය ගායනා කරන්නේ එක් භාෂාවකින් පමණක් යැයිද අගමැතිවරයා කීය.
 
මෙම ප‍්‍රශ්නය සම්බන්ධයෙන් කතා කිරීමෙන්ම ජාතීන් අතර භේදය වැඩිවන බව පැවැසූ අගමැතිවරයා ජාතික ගීතය සම්බන්ධයෙන් ප‍්‍රශ්නයක් මතුව තිබෙන බවට තමන් දකින්නේද පත්තරවලින් යැයිද පැවැසීය.