IMG-LOGO

2025 ජුලි මස 19 වන සෙනසුරාදා


ඡන්ද පත්‍රිකා මුද්‍රණයට සුදානම් වෙන්නැයි මුද්‍රණාලයාධිපතිනියට කොමිසම කියයි

(අජන්ත කුමාර අගලකඩ)

මහමැතිවරණයේ ඡන්ද පත්‍රිකා මුද්‍රණය කිරීම සඳහා සූදානමින් සිටින්නැයි මැතිවරණ කොමිෂන් සභාව රජයේ මුද්‍රණාලයාධිපතිනියට අද (28) දැනුම් දී ඇත.

මහ මැතිවරණය සම්බන්ධයෙන් ශ්‍රේෂ්ඨාධිකරණයේ ගොණු කර ඇති පෙත්සම් පිළිබඳ තීන්දුව ලැබුණු විගස ඡන්දය පැවැත්වෙන දිනය ප්‍රකාශයට පත්කෙරෙන බැවින් ඡන්ද පත්‍රිකා මුද්‍රණයට අවශ්‍ය කටයුතු සැලසුම් කරගන්නැයි ද මැතිවරණ කොමිෂන් සභාව රජයේ මුද්‍රණාලයට දැනුම් දී තිබේ.

මේ සම්බන්ධයෙන් ලංකාදීපය කළ විමසීමකදී රජයේ මුද්‍රණාලයාධිපතිනි ගංගානි කල්පනා ලියනගේ මහත්මිය සඳහන් කළේ ඡන්ද පත්‍රිකා මුද්‍රණයට අවශ්‍ය කටයුතු සැලසුම් කරමින් සිටින බවයි.

මැතිවරණ කොමිෂන් සභාවෙන් ඇනවුම ලැබෙන ඕනෑම අවස්ථාවක ඡන්ද පත්‍රිකා මුද්‍රණය කර භාරදීමට රජයේ මුද්‍රණාලය සූදානමින් සිටින බවද ගංගානි ලියනගේ මහත්මිය සඳහන් කළාය.

කොවිඩ් 19 හේතුවෙන් මෙවර ඡන්ද පත්‍රිකා මුද්‍රණය කිරීමේදී වෙනස්කම් රැසක් කිරීමට සූදානම් බව කී  රජයේ මුද්‍රණාලයාධිපතිනිය කොවිඩ් 19 ගැන ඡන්දදායකයන් දැනුවත් කිරීමේ උපදෙස් ආදිය ද ඡන්ද පත්‍රිකාවලට ඇතුළත් කරන්නට සිදුවනු ඇති බව කීවාය.

ඉකුත් අප්‍රේල් මස 25 වැනිදා පවත්වන්නට නියමිතව තිබූ මහ මැතිවරණය කොරෝනා වසංගතය හේතුවෙන් ලබන මස 20 වැනිදා දක්වා කල්දමනු ලැබුව ද දැනට පවතින තත්ත්වය අනුව එදින මැතිවරණය පැවැත්වීමට නොහැකි වේ.
  
ශ්‍රේෂ්ඨාධිකරණයේ ගොණු කර ඇති පෙත්සම් පිළිබඳ තීන්දුව ලැබුණු විගස මැතිවරණ දිනය  ප්‍රකාශයට පත්කිරීමට මැතිවරණ කොමිෂන් සභාව තීරණය කර තිබේ



අදහස් (3)

ඡන්ද පත්‍රිකා මුද්‍රණයට සුදානම් වෙන්නැයි මුද්‍රණාලයාධිපතිනියට කොමිසම කියයි

Ratne Thursday, 28 May 2020 05:28 PM

බය වෙන්න එපා. මැතිවරණය තියන්න කොමිසමට කම්මැලි හිතිලා. වෙලාවට පඩිය විතරක් ලැබෙනවා නම් ඇති. කොමිසම හූල්ට ගිහිල්ලා. මැකෝ අසරණ වෙලා. කොරෝනා බිය බින්දුව වී දින 70-75 කින්, එනම් තව වසර 1-2 ක් හෝ සමහර විට වසර 40-50 කින් මහා ඡන්දය තියන්න පුළුවන් වෙයි.

:       0       0

mihira Friday, 29 May 2020 05:02 AM

නුඹලා මොකට ලෑස්ති වුණත් ඡන්ද දානවද? නැද්ද? කියලා තීරණය කරන්නේ මහා ජනතාව... වරෙල්ලකෝ...?

:       0       18

Lokka Friday, 29 May 2020 06:34 AM

අපිට අඩු එච්චරයි..

:       0       2

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 403 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 564 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 232 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site