(පුෂ්පකුමාර මල්ලවආරච්චි)

අළුතැපොල වලගම්බා මහා විද්‍යාලයීය ශාලා අංක දෙක ඡන්ද මධ්‍යස්ථානයේ ඡන්දය සළකුණු කරමින් සිටි කාන්තාවක මරණයට පත්ව ඇතැයි මිනුවන්ගොඩ  පොලීසිය කියයි.

මෙසේ මියගොස් ඇත්තේ අංක 20  ඩී අළුතෑපොල වෑගොව්ව ලිපිනයේ පදිංචිව සිටි ජේ ඒ සීලවතී නැමැති 69 හැවිරිදි කාන්තාවකි.

ඇය සිය ඡන්දය භාවිතා කරමින් සිටියදී ඇද වැටී ඇතැයි ද  අනතුරුව  මිනුවන්ගොඩ රෝහලට රැගෙන ගිය බවද පොලිසිය සඳහන් කරයි. ඒ වනවිට ඇය මියගොස් ඇති බව වෛද්‍යවරුන් හෙළි කර ඇත.    

මියගිය කාන්තාව හදවත් රෝගයකින් පෙලෙමින් සිටි අයෙකු බව එම අයගේ පුතා සඳහන් කළ බව ද පොලීසිය සඳහන් කරයි.

මරණ පරීක්ෂණය මිනුවන්ගොඩ රෝහලේ දී රෝහලේදී පැවැත්වීමට නියමිතය. මිනුවන්ගොඩ පොලිසිය පරීක්ෂණ පවත්වයි.