(රොමේෂ් මධුෂංඛ  සහ අතුල බණ්ඩාර)

හිටපු පොලිස් පරික්ෂකවරයෙකු සමඟ තවත් පුද්ගලයකු ගමන් කරමින් සිටි සුඛෝපභොගී මෝටර් රියක් පරික්ෂා කිරීමේදී රුපියල් කෝටි එකහමාරකට අධික වටිනාකමකින් යුත් කේරල ගංජා සමඟ මැදවච්චිය පොලිස් මාර්ග බාධකය අසළදී අද (22) සවස  අත්අඩංගුවට ගෙන ඇත.

මැදවච්චිය පොලීසියට ලැබුණූ තොරතුරකට අනුව එහි නිලධාරීන් පිරිසක් විසින් හදිසි මාර්ග බාධක යොදා සිදු කරන ලද සෝදිසි පරික්ෂාවකදී සුඛෝපභෝගී මෝටර් රථය මන්නාරමේ සිට මැදවච්චිය හරහා අනුරාධපුරයට ධාවනය වන අවස්ථාවේදී  අත්අඩංගුවට ගෙන ඇත.

අවස්ථාවේදී පොලිස් නිලධාරීන් විසින් මෙම රථය පරික්ෂා කිරීමේදී එහි තුළ සඟවා තිබූ කේරල ගංජා කිලෝ 138ක් තිබී සොයාගෙන ඇති අතර තවද කාර් රථය තුළ තිබී පොලිස් නිලඇඳුමක්ද සොයාගෙන ඇත.

 එම අවස්ථාවේදීම කාර් රථය පැදවූ පොලිස් පරීක්ෂකවරයා සමඟ තවත් අයෙකු අත්අඩංගුවට ගත් බව මැදවච්චිය පොලීසිය පවසයි.