කොවිඩ් රෝගීන් රෝහල්ගත කිරීම ප්‍රමාද නම් 1999 ට කියන්න

(ඩයනා උදයංගනී)

කොවිඩ් 19 ආසාදිතයෙකු බව පී.සී.ආර් පරීක්‍ෂණයකින් තහවුරු වූ පසුත් රෝහලකට යොමු කිරීම ප්‍රමාද නම් ඒ බව සෞඛ්‍ය ප්‍රවර්ධන කාර්යාංශයේ 1999 දුරකතන අංකයට දැනුම් දෙන්නැයි නියෝජ්‍ය සෞඛ්‍ය සේවා අධ්‍යක්‍ෂ ජනරාල්, විශේෂඥ වෛද්‍ය හේමන්ත හේරත් මහතා පැවසීය.

එම දුරකතන අංකයට පැය 24 පුරා භාෂා තුනෙන්ම ඇමතුම් ලබාදිය හැකි බව ද ඔහු කීවේය.

රෝගියෙකු ලෙස හඳුනාගත් අය හැකි ඉක්මනින් ප්‍රතිකාර මධ්‍යස්ථානයකට යොමු කරන නමුත් මේ වන විට විශාල වශයෙන් රෝගීන් වාර්තා වන නිසා යම් ප්‍රමාදයක් සිදුවිය හැකි බව ද නියෝජ්‍ය සෞඛ්‍ය සේවා අධ්‍යක්‍ෂ ජනරාල්වරයා සඳහන් කළේය.

රෝගියෙකු රැගෙනයාමට පෙර ඉඩකඩ සහිත ප්‍රතිකාර මධ්‍යස්ථානයක් හඳුනාගැනීම ගත යුතු බව කී විශේෂඥ වෛද්‍යවරයා ඔවුන්ගෙන් තවත් අයකුට වයිරසය ආසාදනය නොවන සේ ආරක්ෂිතව ප්‍රවාහනය කිරීම කළ යුතු බව ද කීවේය.

මෙම කාර්යයේදී මහජන සෞඛ්‍ය පරීක්‍ෂකවරුන්ගෙන් අඩුපාඩුවක් සිදුවන්නේ නම් ඒ ගැනත් සොයාබලන බව හෙතෙම පැවසීය.

එම රෝගියා නිවසේ සිටින කාලයේදී අවශ්‍ය පහසුකම් සපයන අය මුහුණු ආවරණයක් පැළඳ සිටීම, දුරස්ථභාවය ආරක්ෂා කරගැනීම, නිතර අත්සෝදාගැනීම කළ යුතු බව හේමන්ත හේරත් මහතා ප්‍රකාශ කළේය.

දිනකට 300, 400, 500 වැනි සංඛ්‍යාවලින් රෝගීන් වාර්තා වන විට පවතින සීමිත සම්පත් අනුව ඔවුන් කළමනාකරණය කිරීම තරමක් අසීරු බව ද හෙතෙම පැවසීය.

අදහස් (2)

කොවිඩ් රෝගීන් රෝහල්ගත කිරීම ප්‍රමාද නම් 1999 ට කියන්න

Bamunuarachchi Monday, 02 November 2020 12:20 PM

කොවිඩ් කියලා ටෙලිෆෝන් එක දාලා තිබෙන කොට මට හිතුනා...

: 0 0

Bamunuarachchi Wednesday, 04 November 2020 01:40 AM

පැකනිල් වත් දෙන්න යනවද කියලා

: 0 0