අජිත්ලාල් ශාන්තඋදය

සමනල අඩවිය ඇතුළු ශ‍්‍රීපාද බටහිර බෑවුමට ඇදහැලූණු වර්ෂාව හේතුවෙන් පැය කිහිපයක් තුල කලූ ගගේ ජල මට්ටම සීග‍්‍ර ලෙස ඉහළ ගොස් අද (24) රාත‍්‍රී 08.00 වනවිට මීටර් 05.19 (අඩි 17) ඉක්මවූ බව වාරිමාර්ග දෙපාර්තමේන්තුව අනතුරු අගවයි.

එය ගංවතුර අවදානමකට සූදානම් වන ලෙස අනතුරු අගවන සිමාව පසුකර තිබේ.

රත්නපුර මුවගම ජල මාපකයේ මීටර් 07.5 ඉක්මවූ විට සුළු ගංවතුර තත්ත්වයක් ලෙස සැලකේ.

මීටර් පහ සීමාව ඉක්මවූ විට කළු ගග දෙපස සහ පහළ ජනතාවට සුළු ගංවතුර මට්ටමකට මුහුණ දෙන ලෙස සුදානම්ව සිටින්නැයි අනතුරු අගවයි.

ඒ අනුව රත්නපුර, ඇලපාත, කිරිඇල්ල යන ප‍්‍රාදේශීය ලේකම් කොට්ඨාසවල පහත්බිම් ප‍්‍රදේශවල ජීවත්වන ජනතාවට ගංවතුර අවදානමක් ඇති නිසා ආරක්‍ෂිත ස්ථාන වලට යාමට සුදානමින් සිටින්නැයි රත්නපුර දිස්ත‍්‍රික් ආපදා මධ්‍යස්ථානය දන්වා සිටී.

කළු ගගේ ජල මට්ටම අද (24) අලූයම 04.00ට අඩි පහ හමරක් වූ ආතර රාත‍්‍රී අට වනවිට අඩි එකොළහ හමාරකින් ඉහළ නැග තිබුණි.

ඉහළ කදුකර ප‍්‍රදේශයට ඇදහැලෙන වර්ෂා වරින් වර අඩු වැඩිවෙමින් ඇදහැලෙන නිසා රාත‍්‍රී කාලයේ ගගේ ජල මට්ටම ඉහළ යාමට ඉඩ ඇති බවට වාරිමාර්ග දෙපාර්තමේන්තුව අනතුරු අගවයි.

මීට දින පහකට පමණ පෙර මහ ගංවගුර තත්ත්වයක්  ඇති වු නිසා එසේ ගලා ආ ජලය පහත්බිම් වල තවමත් රැදී ඇති නිසා මේ වනවිට ගංවතුරක අවදානම ඉක්මනින් ඇතිවිය හැකි බවට වාරිමාර්ග දෙපාර්තමේන්තුව පවසයි.


මීට වසර 17කට පෙර මැයි මාසයේ මහා ගංවතුරක් පැමිණියේ රාත‍්‍රී කාලයේ ය.