(ජයන්ත සමරකෝන්)

බූස්ස විශේෂ බන්ධනාගාරයේ රඳවා සිටින සංවිධානාත්මක අපරාධ කල්ලි නායකයෙකු වන කංජිපානී ඉම්රාන් නැමැත්තාගේ සිරකුටියේ තිබී ජංගම දුරකථනයක් , චාජරයක් හා සිම්පත් 4 ක් හමුවීමේ සිද්ධිය සම්බන්ධයෙන් පරීක්ෂණයක් ආරම්භ කර ඇතැයි බන්ධනාගාර කොමසාරිස් ජනරාල් තුෂාර උපුල්දෙණිය මහතා පැවැසීය.

පොලිස් විශේෂ කාර්ය බලකායේ ආරක්ෂාව හා පරීක්ෂාව යටතේ පවතින මෙම බන්ධනාගාර සිරකුටියකින් තහනම් භාණ්ඩ හමුවීම ගැටලුවක් බවද ඒ මහතා කීය.

බන්ධනාගාර බුද්ධි අංශ නිලධාරීන් කණ්ඩායමකට ලැබුණු තොරතුරක් මත මෙම වැටලීම කරනු ලැබුවේ ඊයේ (01) අළුයම් කාලයේදීය.