(ඩී.ජී.සුගතපාල)
ගාල්ල වරාය ආසන්න මුහුදේ ඇවන්ට් ගාඩ් නෞකාවේ පාවෙන අවි ගබඩාවක් පවත්වාගෙන යාම සම්බන්ධයෙන් වසර හතරක පමණ කාලයක්  ගාල්ල මහේස්ත්‍රාත් අධිකරණයේ  විභාග වු නඩුවේ නඩු කටයුතු  අවසන් කළ ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා   රිමාන්ඩ් බන්ධනාගාර ගතව සිටින සැකකරුවන් හතර දෙනා මේ මස 27 කොළඹ මහාධිකරණ අංක 3 ශාලාවේ විශේෂ ත්‍රිපුද්ගල විනිසුරු මහාධිකරණය වෙත ඉදිරිපත් කරන ලෙස බන්ධනාගාර අධිකාරිවරයාට අද (20)නියෝග  කළේය.
 
දැනට රිමාන්ඩ් බන්ධනාගාර ගතව සිටින  මෙම නඩුවේ ලැබුවේ 4 වන සැකකාර රක්නා ලංකා සමාගමේ සභාපති  වික්ටර් සමරවීර, 5 වන සැකකාර විශ්‍රාමික මේජර් ජනරාල්  පාලිත වඩුගේ පියසිරි ප්‍රනාන්දු, 6වන සැකකාර විශ්‍රාමික මේජර් ජනරාල්  කරුණාරත්න බණ්ඩා අධිකාරි එගොඩවෙල 7වන සැකකාර පොලිස් කොමිසමේ ලේකම්  සමන් දිසානායක යන සැකකරුවන්  සිව් දෙනා මෙසේ ත්‍රි පුද්ගල මහාධිකරණය වෙත ඉදිරිපත් කිරිමට මහේස්ත්‍රාත් වරයා නියෝග කළේය.
 
මහේස්ත්‍රාත්වරයා මෙම නියෝගය කරනු ලැබුවේ පැමිණිල්ල මෙහෙයවන.අපරාධ පරික්ෂණ දෙපාර්තමේන්තුව කරනලද ඉල්ලිමක් අනුවය. අපරාධ පරික්ෂණ දෙපාර්තමේන්තුව කියා සිටියේ ඇවන්ගාඩ් නෞකාව සම්බන්ධ නඩුව කොළඹ ත්‍රි පුද්ගල මහාධිකරණ විනිසුරු මඩුල්ලක් හමුවේ විභාගයට ගෙන ඇති නිසා මෙම සැකකරුවන් සිව් දෙනාද එයට ඉදිරිපත් කිරිමට නියෝගයක් නිකුත් කරන ලෙස ඉල්ලා සිටි අවස්ථාවේය
 
 මෙහිදි ඒ සම්බන්ධයෙන් සැකකරුවන්ට නිකුත් කරනලද සිතාසිද අධිකරණයේ භාෂණ පරිවර්තක නදීකා දිල්හානි මහත්මිය විසින් විත්තිකූඩුව ලඟට ගොස් සැකකරුවන්ට බාර දුන්නාය.
 

නීති විරෝධි ගිනි අවි ප්‍රවාහනය කරමින් සිටියදි  ගාල්ල වරාය ආසන්නයේදී ශ්‍රි ලංකා නාවික හමුදාව විසින් 2015 ඔක්තෝබර් 13වනදින  ඇවන්ට් ගාඩ්  නෞකාව අත් අඩංගුවට ගෙන වැඩිදුර පරික්ෂණ සඳහා අපරාධ පරික්ෂණ දෙපාර්තමේන්තුවට බාර දෙන ලදි.ඒ අනුව කරන ලද පරික්ෂණවලදි නැවේ තිබි ටී 56 ගිනි අවි 549ක් ,84 එස්. වර්ගයේ ගිනි අවි 264ක්, එල්.එම්.ජී.ගිනි අවි දෙකක්, උණ්ඩ 204604ක් සොයාගෙන ඇත.

 
සැකකරුවන් වෙනුවෙන්,නිතිඥ   අජිත් පතිරණ ,හරිත් හෙට්ටිආරච්චි යන මහත්වරු ඇතුලු නිතිඥවරු පිරිසක් පෙනි සිටියහ