(ඩයනා උදයංගනී සහ ආරියරත්න රණබාහු)

ජනාධිපතිවරණය සඳහා   ඉදිරිපත් වූ නාම යෝජනා සියල්ල පිළිගත් බවත්  නාම යොජනා  බාරදීමෙන් පසු ඉදිරිපත් වූ විරෝධතා දෙකම  පනතේ  විධිවිධාන අනුව  ප්‍රතික්ෂේප වූ බවත්  මැතිවරණ කොමසාරිස් මහින්ද දේශප්‍රිය මහතා පැවසීය.

ජනසෙත පෙරමුණේ අපේක්ෂක බත්තරමුල්ලේ සීලරතන හිමි විසින් ස්වාධීන අපේක්ෂක එම්. එල්.ඒ.එම්හිස්බුල්ලා මහතාට  එරෙහිව විරෝධතාව ගොනු  කර තිබු අතර , නව සිහල උරුමය අපේක්ෂක සරත් මනමේන්ද්‍ර මහතා විසින්  ස්වාධින අපේක්ෂකයකු වූ එම්.කේ සිවාජිලිංගම් මහතාට එරෙහිව විරෝධතාව ගොනු කර තිබිණි. 

 එම විරෝධතා දෙකම   මෙලෙස ප්‍රතික්ෂේප විය .

මෙවර ජනාධිපතිවරණය සඳහා ඊයේ ( 06) වැනිදා වන විට අපේක්ෂකයෝ 41 දෙනකු ඇප තැන්පත් කර තිබු අතර අද   ඉන් 35 දෙනකු නාම යෝජනා බාර දුන්හ.

ඇප තැන්පත් කළ අපේක්ෂකයින් 6 දෙනකු  අද නාම යෝජනා බාර දීම සඳහා පැමිණ නොසිටියේය.