(ඉන්දිකා රාමනායක)
ඉන්දියාවේ මධුරේ ප්රදේශයේ දී මියගිය බව කියන සංවිධානාත්මක අපරාධකරුවකු වන ලසන්ත චන්දන පෙරේරා හෙවත් අංගොඩ ලොක්කා සම්බන්ධ ඩී.එන්.ඒ පරීක්ෂණයක් සිදුකිරීම සඳහා එම පරීක්ෂණයට අවශ්ය ඇගිලි සළකුණු ඇතුලු ඩී.එන්.ඒ සාම්පල් මෙරට ඉන්දීය මහකොමසාරිස් කාර්යාලයට බාරදුන් බව පොලිස් මාධ්ය ප්රකාශක ජ්යෙෂ්ඨ පොලිස් අධිකාරි ජාලිය සේනාරත්න මහතා පැවසීය.
අංගොඩ ලොක්කා මියගිය බවට වාර්තා පළවුන ද ඒ සම්බන්ධයෙන් නිල වශයෙන් රාජතාන්ත්රික මට්ටමින් තහවුරු කරගෙන නොමැති බවද පොලිස් මාධ්ය ප්රකාශකවරයා කියා සිටියේය.
මෙම සිද්ධිය සම්බන්ධයෙන් ඉන්දීය අපරාධ පරීක්ෂණ දෙපාර්මේන්තුවේ අධීක්ෂණය යටතේ පරීක්ෂණ පැවැත්වෙන බවත් , ඩී.එන්.ඒ සාම්පල් තහවුරු වීමෙන් පසුව ඔහු මියගිය බවට නිල වශයෙන් තහවුරු කරගත හැකි බවද පොලිස් මාධ්ය ප්රකාශකවරයා කියා සිටියේය.
එම ඩී.එන්.ඒ වාර්තා ලංකාවට කඩිනමින් ලැබෙයි කියා බලාපොරොත්තුවෙන් සිටින පොලිස් මාධ්ය ප්රකාශකවරයා වැඩිදුරටක් පැවසීය.
පොලිස් මාධ්ය ප්රකාශක ජාලිය සේනාරත්න මහතා මේ බව පැවසුවේ අද (10) පොලිස් මූලස්ථානයේ පැවති විශේෂ මාධ්ය හමුවකදීය.
ආර් ප්රදීප් සිං නැමැති ව්යාජ නමකින් ඉන්දියාවේ ජීවත්ව සිටින අංගොඩ ලොක්කා නැමැත්තා හදිසි අසනීප තත්ත්වයක් හේතුවෙන් ඉකුත් ජුලි මස 03 දින කොලොම්තූර් රෝහලට ඇතුළත් කර සිටියදී මියගොස් ඇති බවත් , ඔහුගේ මළ සිරුර ව්යාජ ලේඛන ඉදිරිපත් කර රෝහලින් මුදාගෙන ගොස් අදාහනය කිරීමේ සිද්ධියක් සම්බන්ධයෙන් ශ්රී ලාංකික කාන්තාවක් ඇතුලු තිදෙනකු ඉන්දීය පොලිසිය විසින් අත්අඩංගුවට ගෙන රිමාන්ඩ් බාරයට පත්කර ඇති බවත් ඉන්දීය මාධ්ය පසුගියදා වාර්තා කර තිබිණි.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
අංගොඩ ලොක්කාගේ ඇගිලි සළකුණු ඉන්දීය මහකොමසාරිස් කාර්යාලයට බාරදෙයි
janahitha Tuesday, 11 August 2020 03:42 AM
මැරෙනකන් ඕක හංගාගෙන හිටියේ දැන්ද ඕක දෙන්නේ.?