(නිකවැරටිය ප්රියාණි මංගලිකා)
බාල වයස්කාර දැරියක් මහනුවර සිට නිකවැරටියේ සිටින පෙම්වතා සොයා ඔහුගේ නිවසට පැමිණි අවස්ථාවේ පෙම්වතාගේ මව දැරියගේ මවුපියන් කැඳවා බාරදීමට උත්සාහ කළ අවස්ථාවේ අසල වූ කැලයට වැද දැරිය පෙම්වතා සමග පලායාමේ පුවතක් නිකවැරටිය පොලිසියෙන් වාර්තා විය.
පහළොස් වියැති දැරිය මහනුවර නගරයට යන බව පවසා නිවසින් පැමිණ නිකවැරටියේ සිටි තම පෙම්වතා (22) සොයාගෙන ඔහුගේ නිවසට පැමිණ ඇත. පෙම්වතාගේ මවුපියන් වහා දැරියගේ මවුපියන්ට මේ බව දැනුම් දී දැරිය රැගෙන යන ලෙස දැනුම් දී ඇත. පසුව දැරියගේ මවුපියන් ත්රිරෝද රථයකින් එම නිවසට යෑමට කතිකා කරමින් සිටින අවස්ථාවේ පෙම්වතා සහ දැරිය නිවසින් අතුරුදන්ව ඇති බව දැනගෙන ඇත.
නිවස පිටුපස ඇති කැලයට වැද පෙම්වතා සහ දැරිය පලාගොස් ඇතැයි දැනගත් දෙපාර්ශ්ව මවුපියන් කැලය පීරමින් දරුවන් සොයා ඇති නමුදු ඔවුන් හමුවී නැති අතර පසුව ඔවුන් පොලිසියට සිද්ධිය පැමිණිලි කර ඇත.
පොලීසිය වහා එහි ගොස් මෙහෙයුම් සිදුකළද ඔවුන් සොයා ගැනීමට නොහැකිවූ බවද පොලිසිය සඳහන් කරයි.
මේ වනවිට දැරිය සහ පෙම්වතා සොයා ගැනීම සඳහා පොලීසිය පරීක්ෂණ සිදුකරමින් සිටින බව ළමා හා කාන්තා කාර්යාංශය පවසයි.
කොට්ඨාස භාර පොලිස් අධිකාරි උපුලු චන්දන මහතාගේ උපදෙස් අනුව සහකාර පොලිස් අධීකාරි සමරකෝන් බණ්ඩාර මහතාගේ අධීක්ෂණයෙන් මූලස්ථාන පොලිස් පරීක්ෂක ජීවහස්ත සිරිසේන මහතාගේ මෙහෙයවීමෙන් ළමා හා කාන්තා කාර්යාංශයේ ස්ථානාධිපති උ.පො.ප. ඉමාලි, පො.සැ. විමලා ඇතුළු නිලධාරීන් කණ්ඩායමක් විසින් පරීක්ෂණ සිදුකෙරේ.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
15 වියැති පෙම්වතිය 22 වියැති පෙම්වතා සමග කැලේට පැන ගිහින්
sampath Thursday, 08 August 2019 01:09 PM
මේක සාමාන්ය දෙයක්. ඒත් නීතියේ හැටියට පෙම්වතා වැරදි කාරයෙක් වෙනවා. ඒ විතරක් නෙවි සමහර අවස්ථාවල දෙමාපියන්ටත් නීත්යානුකූල භාරකාරත්වයෙන් අපහරණ චෝදනාව ගොනු වෙනවා. මේ නිසා 18 ට අඩු පෙම්වතියන් සිටින අය ඉතා ප්රවේසමෙන්. ඒ පිලිබදව ඇති නීතිමය තත්වය අවබෝදයෙන් කටයතු කල යුතුයි.
kanthi Friday, 09 August 2019 07:30 AM
ලැජ්ජාවට එම ජෝඩුව ජීවිතය හානිකරගත්තොත් කාටද පාඩුව...? හදිසි තීරණ ගැනීමෙන් එම දෙදෙනා ඉක්මන් තීරණ ගත්තොත්...?