(තිහගොඩ - උපසේන ලියනගම)
පැරැණි ජන කතාවල සඳහන් වන ගම හාමිනේගේ උම්බලකඩය පෞද්ගලික බස් රථයක් තුළින් මතුවීමේ අපූරු පුවතක් පසුගියදා අසන්නට ලැබුණේ අකුරැස්ස ප්‍රදේශයෙනි.


නගරයේ සිට ආසන්න ගමකට දිවෙන මෙම බස් රථයට නැග ගත් වියපත් දුගී මට්ටමේ පුද්ගලයකු රුපියල් දහයක දුර යාමට රුපියල් දාහේ කොළයක් දිගු කළේය. ‘මාරු සල්ලි රුපියල් දහයක් ගැනීමට නැද්දැයි’ ඇසූ විට ඔහු කීවේ ‘අනේ නෑ’ කියාය. ‘බස් එකට එනකොට මාරු සල්ලි ගේන්න ඕනෑ. නැත්නම් බහිනවා’ කොන්දොස්තර කීවේ කෝපයෙනි.


මෙය ඇසුණු අසල සිටි කෙනකු ‘දුප්පත් මනුස්සයා. මං රුපියල් දහය දෙන්නම්’ කීවේ ඔහු කෙරේ අනුකම්පාවෙනි.


‘නෑ මහත්තයා, මෙයා කරන්නේ කපටිකම. දැන් මේ බස් එකටම දවස් පහ හයක් ඔය රුපියල් දාහ පෙන්නල නිකන් ගියා. මේක අර ගම හාමිනේගෙ උම්බලකඬේ වගේ. ඒකත් අර හොද්දට දාල අරන් තියනව වගේ’ කීමෙන් මගීහු සිනා සෙන්නට පටන් ගත්හ.