නව යුවළ නිවසට පැමිණි මංගල දිනයේම ඔවුන් නිදා සිටි ඇඳ කඩාවැටීමෙන් තුවාල ලැබූ මනාල යුවළ රෝහල කරා රැගෙන යාමට සිදුවීමේ පුවතක් රජරට පළාතේ ගමකින් අසන්නට ලැබුණි.
ගම්වාසීන් පවසන ආකාරයට සිද්ධිය මෙසේය.

මේ දෙදෙනා පළාත් දෙකකය. දෙදෙනා ඇඟලුම් හලක සේවය කරමින් සිටියදී ගොඩනගාගත් පෙම් සබඳතාවට දෙපාර්ශ්වයේ කැමැත්ත ලැබීම නිසා ඉකුත් දිනෙක පළාතේ ප්රසිද්ධ හෝටලයක මංගල උළෙල ජයටම සිදු කෙරිණි. යුවළ හෝටලයේම නවාතැන් ගැනීමෙන් පසු දෙවැනි දිනයේ මනාලියගේ පාර්ශ්වයේ ඥාතීන්ද කැටුව මනාලයාගේ නිවසට පැමිණ තිබේ.
මනාලියගේ පාර්ශ්වය දෙවැනි ගමන පැමිණ ඇත්තේ මනාලිය සතු දෑවැදි ආදියද ජයටම රැගෙනය.
මේ අතර මනාලයාගේ කාමරයේ ඇති පැරැණි ඇඳේ සවිකර තිබූ ඇණ මුරිච්චි ආදිය පෙර දිනයේ බාගෙට ගලවා තිබුණේ මනාලියගේ දෑවැද්දට ගෙනෙන අලුත් ඇඳ කාමරයට ඉක්මනින්ම ඇතුල් කර පැරැණි ඇඳ මාරුකිරීමේ පහසුව සඳහාය.
කෙසේ වෙතත් ඔවුන් එදින නිවසට පැමිණීමේදී සවස් වීමත් සියල්ලන්ම හෙම්බත්ව සිටීමත් නිසා ගෙනා දෑවැදි සියල්ල පසු දින පිළිවෙළකට එහි ඇසීරීමට ඔවුහු සැලසුම් කළහ.
ඒ අනුව මනාල යුවළ මනාලයාගේ සුපුරුදු ඇඳේම එදින නින්දට ගොස් ඇතත් තම ඥාතීන් ඊට පෙර දින ඇඳේ කොටස් ගැලවීමට ඇණ බුරුල් කර තිබෙනු යුවළ දැන නොසිටි අතර ඒ බවක් පවුලේ උදවියටද පැවසීමටද අමතක වී තිබේ.
ඒ අනුව ඔවුන් එම ඇඳේ නිදා ගැනීමට සැරසෙනවාත් සමගම ඇඳ ගැලවී කොටස් වෙන්ව ගොස් ඇත්තේ දෙදෙනාගේම කොන්දට හානි පමුණමිනි.
ඔවුන්ගේ කෑ ගැසිල්ලට හා ඇඳ කඩා වැටෙන ශබ්දයට පවුලේ පිරිස් කාමරයට දිව ගොස් ඔවුන් ඉවතට ගෙන නිවසේ තිබූ හන්දි තෙල් ගා දෙදෙනාටම ගොඩ වෙදකම් කිරීමෙන් අනතුරුව ගැලවූ ඇඳ පසෙක තබා වෙනත් කාමරයකට ගොස් නිදාගෙන තිබේ.
කෙසේ වෙතත් පසුදින යුවළ රෝහලක් කරා රැගෙන යාමට පවුලේ ඥාතීන්ට සිදුවිය.
(මොරගොල්ලාගම සිසිර කැලේගම)
2025 දෙසැම්බර් මස 04
10
0
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
2025 නොවැම්බර් මස 21
335
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
358
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
මඟුල් දා රෑ ඇඳ කඩා වැටිලා
Walter White Saturday, 21 December 2019 01:32 PM
පරණ ඇඳේ ඉඳන් සෙල්ලම් දානකොට ඔරොත්තු දෙන්නේ නැහැ තමයි..
Uditha - London Monday, 23 December 2019 03:57 AM
බැන්දට පස්සේ කරන සෙල්ලම් පරණ ඇඳට ඔරොත්තු දෙන්නේ නැහැ. කොහොම වුණත් හරි සුන්දර අත්දැකීමක්..
banda Monday, 23 December 2019 02:55 PM
ඔක්කොටම කලින් හොඳට ඇඳේ සවි ශක්තිය ගැන කල්පනාකාරී වන්න..
anura Tuesday, 24 December 2019 05:44 AM
මෙවැනි සිද්ධි හාස්ය උත්පාදක ලෙස ගෙන ප්රසිද්ධ කිරීම ඉතා කණගාටුවට කරුණක් සහ අසීලාචාර ක්රියාවකි.
nuwan Tuesday, 24 December 2019 06:09 AM
සදාකාලික අබ්බගාත වුනා නම් බලන්න තිබ්බා.. මේවා විහිලු නොවේ. ඇඳේ ඇණ ගලවලා අමතක කරලා දාපු නෑයින්ට කනට ගහන්න ඕනෑ.