මධුසමය දිනයේ රාත්රීයේ තෑග්ගක් ලෙස ලැබුණු ස්මාර්ට් ජංගම දුරකථනයක් නිසා තරුණ යුවළකට නිදි වර්ජිතව මුළු රැයම ගෙවීමට සිදු වූ පුවතක් පසුගිය දිනෙක වාර්තා විය.
සිද්ධියට අනුව වසර ගණනාවක පෙමින් වෙළුණු මෙම යුවළගේ පෙම පලදරමින් මහනුවර ආසන්නයේ හෝටලයක උත්කර්ෂවත් ලෙස පැවැත් වූ විවාහය මංගල උත්සවයකින් අවසන් විය.
මනාල යුවළ මධුසමය සඳහා සීත කඳුකර පෙදෙසක හෝටලයක් කරා ගියහ.
දවසේ විඩාව උණු දියෙන් නිවාගත් යුවළ දවසේ තොරතුරු පිළිබඳව ආවර්ජනය කරන්ට වූහ. ඔවුන්ට විදේශීය මිතුරකුගෙන් ත්යාගයක් ලෙස ලැබුණු නවීන පන්නයේ සුහුරු ජංගම දුරකථනය මතක් වන්නට විය.
මංගල දිනයේ වූ සොඳුරු මතකයන් එම නවීන පන්නය් සුහුරු ජංගම දුරකථයේ ගබඩාකර තිබු අතර ඒවා නැරඹීමට ඔවුන් අතර එකඟතාවක් ඇති විය.
ඒ අනුව දුරකථනය ගෙන ක්රියාත්මක කළ අතර එහි ආරක්ෂාව වෙනුවෙන් මුර පදය ලෙස යොදා තිබුණේ මනාලිය වූ තරුණියගේ මුහුණයි. කිහිප විටක් දුරකථනයේ ආරක්ෂක අගුල විවෘත කිරීමට තම මුහුණ වෙත ළං කළත් එය සක්රීය නොවිණි.
තම උත්සාහය අත නොහැරි මනාලිය සම්බන්ධයෙන් සොයා බැලීමේ දී මනාලයාට සිදු වූ දේ තේරුම් ගැනීමට හැකි වූ අතර ඒ අනුව මනාලිය ලෙස හැඩගැන්වීමට රූපලාවන්ය ආයතනය වෙත ගොස් වෙස් ගැන් වූ ඡායාරූපයක් ඒ සඳහා යොදා ගැනීම පටලැවිල්ලට හේතු වූ බව ඔහු තම බිරිඳට කීවාය.
තමන් දවස පුරා ලබාගත් ඡායාරූප හා වීඩියෝ බැලීමේ ආශාවෙන් පෙළුණු මනාලිය තම රූපලාවන්ය දැනුම යොදා සිය ගමන් මල්ලේ සඟවා තිබූ රූපලාවන්ය උපකරණ ගෙන ඒවායෙන් නැවත මනාලිය ෙස් වෙස් ගැන්වීමට වූ අතර මනාලයාට නිහඬව ඒ දෙස බලා සිටින්නට වූයේ මංගල දින රාත්රීයේ මනාලියගේ ආශාවට ඉඩ දෙමිනි.
ඒ වන විටත් මධ්යම රාත්රීය ද පසු වී තිබු අතර දවස් කිහිපයක විඩාවත් දහසක් බලාපොරොත්තු තබා සිටි මනමාල මහතාට තවත් පැය කිහිපයක් බලා සිටින්නට වූ අතර අවසානයේ ජංගම දුරකථනයේ ආරක්ෂක අගුල ඉවත්කිරීමට හැකි විය. එසේ වූවත් මනාලිය හා එක්ව තවත් පැයක් පමණ ඡායාරූප හා වීඩියෝ නැරඹීමට ඔහුට සිදු විය.
(කුණ්ඩසාලේ - පී.එම්. රාජපක්ෂ)
සිය අතුරුදන් සැමියා ගැන හෝඩුවාවක් දැනගැනීමට දේවාලයකට ගිය බිරියට එම දේවාලය තුළදී සැමියා හමුවීමේ සිද්ධියක් සබරගමුව පළාතේ එක්තරා ගමකින් වාර්තාවේ. සිද්
පවතින ආර්ථික අගහිඟකම් හමුවේ නෑදෑ පිරිවර මැද වැයබර අඩුකර ගැනීමට තැනට උචිත නුවණ පාචිච්චි කළ නිවෙස් හිමියකු පිළිබඳව පුවතක් කලාවැව අවට මහවැලි ජනපද ගම්මා
සිසුන්ගේ කෑම පැකැට්ටුවෙන් රෙදි ගලවා ගත් අපූරු ගුරුවරයකු පිළිබඳ පුවතක් දකුණු පළාතේ පාසලකින් අසන්නට ලැබේ. පාසලේ පැවති ක්රීඩා උත්සවය සඳහා සහභාගී වන සි
විහාරස්ථානයක සල්පිල් වෙන්දේසියක දී තරුණ තරුණියන් තරග වැදී මිලට ගත් භාණ්ඩයක් නොවටිනා දෙයක් වීමෙන් වූ අලකලංචියකි. මෙය වාර්තා වන්නේ දකුණේ ගම්මානයකිනි.
සුද්දන්ගේ ක්රමයට සුද්දාට ආචාර සමාචාර කරන්න ගොස් සුද්දාගේ කළු බැල්ලියගෙන් හොඳම ආචාර සමාචාරයක් ලැබ ජීවිතය අනූනවයෙන් බේරාගත් කළු සුද්දකු පිළිබඳව අ
සාදයේදී පදම වැඩිවූ මිතුරාට අමුතු රසාස්වාදයක් ලබා ගැනීමට අමුතුම සුප් එකක් පානය කරන්නට සලස්වා හිරේ විලංගුවේ නොවැටී අනූනවයෙන් බේරුණු මිතුරන් පිරිසක් ප
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
මඟුල්දා තෑගි ලැබුණු ජංගම දුරකතනය මධු සමය කයි