(පොලොන්නරුව - ක.ග. කරුණාරත්න)
තමන් නොකළ වරදක් වෙනුවෙන් පොලිස් රාලහාමි කෙනෙකු නඩුවක් පැවැරීමට සූදානම් වූ අවස්ථාවේ තම නිරවද්යතාව ඔප්පු කිරීම සඳහා ඇඳ සිටි සරම ලිහා පොලිස් රාලහාමිට පෙන්වීමට රියැදුරෙකුට සිදුවූ අපූරු පුවතක් පොලොන්නරුව පෙදෙසින් ඇසුණි.
සිද්ධිය සැකෙවින් මෙසේය.
තම කුඹුරේ ට්රැක්ටරයෙන් සී සාමින් සිටි තරුණ ගොවියාට එය හිටි අඩියේ නතර වුණේ මන්දැයි සොයා බැලූ විට දැක ගන්නට ලැබුණේ ටැංකියේ ඉන්ධන (ඩීසල්) අවසන්වී ඇති බවය. ඔහු වහාම කළේ තමන් සතු කුඩා ලොරියේ ඉන්ධන ගෙන ඒම සඳහා බැරලයක්ද පටවාගෙන නගරයේ පිහිටි ඉන්ධන පිරවුම් හලකට යාමයි.
කිලෝමීටර් 15ක් පමණ දුර ගෙවා ගොස් පිරවුම් හලකින් බැරලයට ඉන්ධනද පුරවාගෙන මුදල් ගෙවා ආපසු එන්නට ලැබුණේ මීටර් කිහිපයක් පමණි. හතරමං හන්දියේ රථවාහන රාජකාරියේ යෙදී සිටි රාලහාමි කෙනෙකු ලොරිය නතර කරන ලෙසට අතින් සංඥාවක් දුන්නේය. මාර්ගය අසල ලොරිය නවතා රක්ෂණ සහතිකය, ආදායම් බලපත්රය ආදී තමන් සතු දෑ රැගෙන පොලිස් රාලහාමි වෙත ගිය විට ඔහුගෙන් ඉල්ලා ඇත්තේ රියැදුරු බලපත්රය පමණි.
එය දෙපැත්ත පෙරළා බලා තමන් සතු පොලිස් පොතේ නඩුවක් පැවැරීම සඳහා විස්තර ලියා ගන්නට සූදානම්වී ඇත. එවිට රියැදුරා පොලිස් රාලහාමිගෙන් විමසා ඇත්තේ මොකක්ද මහත්තයා මම කරපු වරද කියාය.
වරද? ඇයි ෆෝන් එකක් කනේ ගහගෙන ආවේ යනුවෙන් පොලිස් රාලහාමිගෙන් පෙරළා පිළිතුරු ලැබිණි.
මහත්තයා මගේ ළඟ ෆෝන් එකක් ඇත්තෙත් නෑ. මම ෆෝන් එකක් ගෙනාවෙත් නෑ. එහෙම තිබුණොත් ඕනෑම දඬුවමකට මම යටත් වෙනවා යනුවෙන් රියාදුරා පැවැසූ විට හා හොඳයි යමු බලන්න කියා ලොරිය වෙත පැමිණ එහි ඇතුළත හොඳින් පරීක්ෂා කර තිබේ. එසේ වුවද එහි තිබී ජංගම දුරකතනයක් සොයා ගැනීමට පොලිස් නිලධාරියාට නොහැකිවූ විට එහෙනම් තමුසේගේ ඉනේ තිබෙනවා නේදැයි අසා ඇත.
ඉනේ ජංගම දුරකතනයක් නැතැයි කීවද පිළි නොගත් පොලිස් රාලහාමි එහෙම නම් සරම ලිහලා පෙන්වනවා යැයි කියූ විට තරමක් ලැජ්ජාවෙන් වුවද සරමද ලිහා පෙන්වා තිබේ.
ඉන් අනතුරුව යටට මොකුත් ඇඳලාද ඉන්නේ කියාත් විමසූ විට අනේ නෑ රාලහාමි මම මේ කුඹුරේ හිටපු ගමන් මඩ පිටින්ම මේ ආවේ කියා රාලහාමි දමන්නට ගිය අවනඩුවෙන් බේරී එන්නට හැකිවී ඇතැත් ආපසු එනවිට පොලිස් රාලහාමි රියදුරාට කියා ඇත්තේ හොඳයි අපි කොහේදි හරි හම්බවෙයිනේ කියාය.
පියා මියගිය පුවත සැල වූ විගස සියලු කටයුතු නවතා රූපලාවණ්යාගාරයක් කරා ගොස් සැරසී පියාගේ දේහය ඉදිරිපිටට වී තමන්ගේ ලස්සන පෙන්නන්නට කටයුතු කළ දියණියක ප
සිය මිතුරාගේ දියණියගේ විවාහ මංගල්යය වෙනුවෙන් අපූරු තෑග්ගක් ලබා දුන් පුද්ගලයකු පිළිබඳ පුවතකි. මිතුරන් දෙපළ සේවය කරන ආයතනයේ නිලධාරීන්ගෙන් දැනගත් අන්
විහාරස්ථානයක් අසල කාත්කවුරුවත්, හව් හරණක් නැති අසරණයන් පුදුම කරන්නට ගිය අයෙකුට තමාට පුදුමයෙනුත් පුදුමවෙන්නට සිදුවූ අපූරු පුවතක් දකුණේ නගරයකින් අසන
බෑනාගේ පක්ෂයේ මැයි රැලියට යන්න එන්නේ නැතිව වෙනත් පක්ෂයක මැයි රැලියට ගියයි කියා බෑනා තම මාමණ්ඩිය ගෙදරින් එළවා දැමූ පුවතක් බස්නාහිර පළාතේ පස්දුන් කෝරළ
සිංහල හින්දු අලුත් අවුරුදු දිනවල නිවසට එන අමුත්තන්ට සංග්රහ කිරීමට මාළු මිලදී ගැනීමට ගෙන ගිය රුපියල් විසිදහසක මුදල අහිමි කරගෙන හිස් අතින් යළි නිවසට
අලුත් අවුරුද්දට කාර්යාලයට රැගෙන ගිය කැවිලි පාර්සලය වැරැදී ලැජ්ජාවට පත් වූ සේවකයකු පිළිබඳව සබරගමුව පළාතේ ගමකින් අසන්නට ලැබිණි. සිද්ධිය මෙසේය, ඔහු එම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නිර්දෝෂි බව තහවුරු කරන්න පොලිස් රාලහාමිට සරම ගලවා පෙන්වලා
janahitha Friday, 24 May 2019 03:25 PM
කොහොම වුනත් මේ මනුස්සයා එයාට අපායේදී නම් හමු වෙන එකක් නැහැ. මොකද නිලධාරියා අපායට ගියත් ගොවියා නම් අපාගත වෙන්නේ නැහැ සාධාරණ විදිහට ජීවත් වෙන නිසා...