මාර්තු මාසයේ LEOS රියදුරු ලියාපදිංචිය සාර්ථකව දියත් කිරීමෙන් අනතුරුව, LEOS ආයතනය මෙම සතියේ LEOS කස්ටමර්  app එක Android Play Store සහ Apple App Store යන දෙකෙහිම ලබා ගත හැකි පරිදි නිකුත් කර තිබෙනවා.

මෙම වැදගත් සන්ධිස්ථානයත් සමඟින්, LEOS ආයතනය කොළඹ නගරයේ මගීන්ට දැරියහැකි මිලකට, විශ්වාසනීය සහ සරල නව ගමන් සේවාවක් පිරිනැමීමට අපේක්ෂා කරයි.මුලින් ගෙවීම් මුදලින් පමණක් සිදු කළ හැකි අතර, අනාගතයේදී කාඩ්පත් මගින් ගෙවීමේ පහසුකම් ද හඳුන්වා දීමට සැලසුම් කර ඇත.

ජනප්‍රිය ක්‍රිකට් ක්‍රීඩක සනත් ජයසූරිය මෙන්ම සම-නිර්මාතෘවරුන් වන ජෙරෝම් ඇන්තනී සහ පී.ඩී. සිල්වා මහත්වරුන් විසින් දියත් කරන ලද LEOS, ගමන් සේවා වෙළඳපොලේ වේගයෙන් ජනප්‍රිය වෙමින් පවතී. මෙම mobile app එක රියදුරන් සහ මගීන් යන දෙපාර්ශවයටම සාධාරණ හා සම අවස්ථා සැලසෙන අයුරින් නිර්මාණය කර ඇත. රියදුරු ලියාපදිංචි කිරීම් ආරම්භ කළ දා සිට, කොළඹ කලාපයේ රියදුරන් 2,500කට අධික සංඛ්‍යාවක් ලියාපදිංචි වී ඇති අතර, අඩු ගාස්තු සහිත, රියදුරු හිතකාමී වේදිකාවක් සඳහා ඇති ප්‍රබල ඉල්ලුම මෙය මනාව පෙන්නුම් කරයි.

LEOS දියත් කිරීමේ ප්‍රවර්ධන වැඩසටහනේ කොටසක් ලෙස, සුදුසුකම් ලත් ගමන් සඳහා රුපියල් 200ක වට්ටමක් මගීන්ට හිමි වේ. මෙම විශේෂ දීමනාව සීමිත ප්‍රවර්ධන කාලයක් සඳහා පමණක් වලංගු වේ.

“ශ්‍රී ලාංකිකයන්ගේ අවශ්‍යතා මනසේ තබාගෙන, විනිවිදභාවයෙන් යුත් සහ සාධාරණ ගමන් සේවා විසඳුමක් ලබා දීමට ලැබීම ගැන අප අතිශයින් සතුටු වෙනවා,” යැයි සනත් ජයසූරිය මහතා පැවසීය. “LEOS මගින් රියදුරන් සහ මගීන් යන දෙපාර්ශවයම ප්‍රමුඛතාවයෙහි ලා සලකන අතර, මෙම දියත් කිරීම ශ්‍රී ලංකාවේ ප්‍රවාහනය වැඩිදියුණු කිරීමේ අපගේ මෙහෙවරේ ආරම්භය පමණයි.”

LEOS සේවාවන් දැනට කොළඹ දිස්ත්‍රික්කයේ ලබා ගත හැකි අතර, නුදුරේදීම අනෙකුත් ප්‍රධාන කලාපවලට ව්‍යාප්ත කිරීමට උපායමාර්ගික සැලසුම් ඇත.

වැඩිදුර තොරතුරු සඳහා, හෝ LEOS Customer App එක download කර ගැනීමට, කරුණාකර https://www.leos.one වෙත පිවිසෙන්න, නැතහොත් App Store හෝ Google Play Store හි "LEOS" ලෙස සෙවීම සිදු කරන්න.
 

මාධ්‍ය සම්බන්ධතා:
LEOS මාධ්‍ය හා සන්නිවේදන කණ්ඩායම
විද්‍යුත් තැපෑල: [[email protected]]
වෙබ් අඩවිය: [https://www.leos.one]