ජනවාරි 20 වැනිදා ඇමෙරිකන් ජනාධිපති ලෙස දිවුරුම් දීමෙන් පසු බ්‍රිතාන්‍යයට පැමිණෙන්නැයි බ්‍රිතාන්‍ය රජ පවුල ඩොනල්ඩ් ට්‍රම්ප්ට ඇරැයුම් කර ඇත. 

2019 වසරේ, ට්‍රම්ප් පළමු වරට ඇමෙරිකා ජනාධිපති ධුරය හොබවද්දී ද රජ පවුලේ ඇරැයුමින් ඔවුන් හමුවීමට බ්‍රිතාන්‍යයට ගියේය. ඒ අනුව, බ්‍රිතාන්‍ය රජ පවුලෙන් මෙසේ ඇරැයුම් ලබන ඇමෙරිකා ජනාධිපති වනු ඇත්තේ ද ට්‍රම්ප් යැයි ඇමෙරිකන් මාධ්‍ය වාර්තා පෙන්වා දෙයි.

2019 වසරේ බ්‍රිතාන්‍ය රාජකීයයන් හමුවීමට ගිය අවස්ථාවේදී, ට්‍රම්ප් වෙනුවෙන් දෙවැනි එලිසබත් මහ රැජින විශේෂ බෝජන සංග්‍රහයක් පවා පැවැත්වූවාය. 

ලබන වසරේ සංචාරයේදී, තෙවැනි චාල්ස් රජු, ඔටුන්න හිමි විලියම් කුමරු සහ කේට් කුමරිය ට්‍රම්ප් පිළිගැනීමට සූදානමින් සිටින බව බ්‍රිතාන්‍ය රජ පවුල පමණක් නොව, එරට අග්‍රාමාත්‍ය කාර්යාලය ද නිකුත් කළ නිවේදනයක දැක්වෙයි.

(ඒ.එෆ්.පී.)