රික්ටර් පරිමාණයේ ඒකක 7.5 ක් සටහන් කළ ප්‍රබල භූමි කම්පාවකින් ජපානය කැලැඹිණි. භූමි කම්පාවත් සමඟ සුනාමි අනතුරු ඇඟවීම් ද නිකුත් කෙරුණි.

ඉෂිකාවා පළාතේ නෝටෝ වෙරළ තීරයේ වැසියන්ට වහා උස් බිම් වෙත යන්නැයි බලධාරීන් උපදෙස් දුන් බව ජපානයේ එන්.එච්.කේ. පුවත් සේවය පැවැසීය.

සුනාමි අනතුරු ඇඟවීම් නිකුත් කෙරුණේ මීටර් 3 ක් හෝ 5 ක් පමණ උස මුහුදු රළ ගොඩබිමට කඩා වැදීමට ඉඩ ඇතැයි පවසමිනි.

නිගාටා, ටොයියාමා යන පළාත්වලට ද සුනාමි අනතුරු ඇඟවීම් නිකුත් කෙරුණු බව පැවැසෙයි. භූමි කම්පාවෙන් නිවාස සහ ගොඩනැගිලි දෙදරා ගියත්, ජීවිත හානි කිසිවක් වාර්තා වී නැත.