දකුණු කේරළයේ, වයනාද් දිස්ත්‍රික්කයේ, අලුයම හටගත් නායයෑම්වලින් 19 දෙනකු ජීවිතක්ෂයට පත්වුණු බව ඉන්දීය මාධ්‍ය වාර්තා කරයි.

නොකඩවා ඇද හැලෙන මහ වැසි හේතුවෙන් නායයෑම් හටගත්තේ, මෙප්පාඩි සහ චූරල්මලයි ප්‍රදේශවල ගම්මාන යැයි ඉන්දීය මාධ්‍ය වැඩිදුරටත් වාර්තා කර තිබේ.

නායයෑම් හටගනිද්දී ගම්වැසියන් බොහෝ දෙනකු නිවෙස්වල නිදාගෙන සිටි බවත්, වැඩිදෙනා පණ පිටින් වැලළී ගිය බවත් පැවැසෙයි.

පස් සහ මඩ තට්ටු අතරේ සිරවුණු පිරිස් මුදා ගැනීමට මෙහෙයුම් ආරම්භ වී ඇති බවත්, එම මෙහෙයුම්වලට ද බාධා එල්ල වී ඇත. 50 කට වැඩි පිරිසක්, පස් සහ මඩ තට්ටු අතරේ සිරවී සිටින බව ද ඉන්දීය මාධ්‍ය වාර්තා පෙන්වා දෙයි.

(එන්.ඩී.ටීවී.)