උතුරු කොරියාව කෙටි දුර බලැස්ටික් මිසයිල කීපයක් දකුණු කොරියාව දෙසට එල්ල කළේය. මිසයිල ප්රහාරයෙන් කිසිවකුටවත් අනතුරක් සිදු වූයේ නැත.
උතුරු කොරියාව, දකුණු කොරියාවට මෙසේ මිසයිල ප්රහාර එල්ල කළේ, ඇමෙරිකා රාජ්ය ලේකම් ඇන්තනි බ්ලින්කන් දකුණු කොරියාවේ සංචාරයකට පැමිණීමත් සමඟය.
පසුගිය දා දකුණු කොරියාව සහ ඇමෙරිකාව දින 11 ක් තිස්සේ යුද අභ්යාසයක් ද පැවැත්විණි. මෙය ද උතුරු කොරියාවේ දැඩි විරෝධයට හේතුවක් විය.
උතුරු කොරියාව සහ දකුණු කොරියාව වශයෙන් බෙදී වෙන් වී සිටින්නේ එකම ජාතියකි. කොරියාව උතුරු සහ දකුණු කොරියාව ලෙස බෙදී වෙන් වූයේ කොරියන් යුද්ධයෙන් පසුවය. දකුණු කොරියාවට ඇමෙරිකාවේ සහාය හිමිවන අතර, ඇමෙරිකන් සෙබළු 27,000 ක් දකුණු කොරියාවේ රැඳී සිටිති.
ඇමෙරිකා රාජ්ය ලේකම් ඇන්තනි බ්ලින්කන් දකුණු කොරියාවේ සෝල් අගනුවර බලා පැමිණියේ, දකුණු කොරියානු ජනාධිපති යූන් සුක් යූල් ද සමඟ ප්රජාතන්ත්රවාද සඳහා සමුළුවට සහභාගීවීමටය.
(ඒ.එෆ්.පී.)
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
උතුරු කොරියාව දකුණට මිසයිල යවයි