අයි.සී.සී. චැම්පියන්ස් කුසලාන ක්‍රිකට් තරගාවලිය 2025 වසරේ පාකිස්තානයේ පැවැත්වීමට නියමිතව ඇති අතර, ඉන්දීය ක්‍රිකට් කණ්ඩායම දැනුම් දී ඇත්තේ පාකිස්තානයේ පැවැත්වෙන ක්‍රිකට් තරගාවලියට තමන් සහභාගී නොවනු ඇති බවය.

ඉන්දීයාව මේ බව අයි.සී.සී.යට දැනුම් දුන් බවත් අයි.සී.සී.ය එය පාකිස්තාන ක්‍රිකට් මණ්ඩලයට දැනුම් දී ඇති බවත් විදෙස් මාධ්‍ය පවසයි.

පාකිස්තාන ක්‍රිකට් මණ්ඩලය පවසා ඇත්තේ 2025 අයි.සී.සී. චැම්පියන්ස් කුසලාන ක්‍රිකට් තරගාවලිය පාකිස්තානයේ පමණක් පැවැත්වෙනු ඇති බවත්, පාකිස්තානය ඉන්දියාව ගැන සිතා වෙනත් රටක් සමඟ එක් වී එය පැවැත්වීමට කිසිදු අදහසක් නැති බවත්ය.