නව අභිරහස් වයිරසය උණ රෝගයක්, අප්‍රිකා රාජ්‍යයක් වන කොංගෝ ජනරජයේ ව්‍යාප්ත වෙමින් පවතී. 

ලෝක සෞඛ්‍ය සංවිධානය පවසන්නේ, මේ වනවිට කුඩා දරුයන් ද ඇතුළු 143 දෙනකු මෙම වයිරස උණ රෝගයට බිලි වී ඇති බවත්, තවත් 400 දෙනකු රෝහල්ගතව ප්‍රතිකාර ලබන බවත්ය.

මෙම උණ රෝගය ආරම්භ වී ඇත්තේ පසුගිය ඔක්තෝබර් මාසයේය. කොංගෝ සෞඛ්‍ය අංශ වයිරසය ගැන බිය පළ කිරීමත් සමඟ ලෝක සෞඛ්‍ය සංවිධානයේ නිලධාරීන් කණ්ඩායමක් කොංගෝවට ගොස් සිටින බව ද පැවැසෙයි.

තද උණ, කැස්ස, කැරකිල්ල, සොටු දියර ගැලීම, හිසේ කැක්කුම සහ මාංශපේෂී වේදනාව, ස්වසන අපහසුතා ආදිය මෙම නව වයිරසයේ මූලික රෝග ලක්ෂ යැයි පැවැසෙයි. 

ලෝක සෞඛ්‍ය සංවිධානයේ වෛද්‍ය පර්යේෂකයන් ඔවුන්ට ලැබුණු දත්ත අනුව පවසා ඇත්තේ ‘කොවිඩ් 19’ වයිරසයේත්, සරම්ප සහ ඉන්ෆ්ලුවන්සා වයිරසයේත් ලක්ෂණ මෙම නව වයිරසයේ අන්තර්ගතවන බවය.