"තීරයක් සහ මාවතක්" (BRI ) ව්‍යාපෘතියේ 10 වැනි සංවත්සරය වෙනුවෙන්  වාර්තා වැඩසටහන් මාලාවක් නිර්මාණය වී තිබේ. එය  Rising with Pride  යනු වෙන් නම් කර තිබේ.   එක්තීරයක් එක් මාවතක් සංකල්පය මිනිසුන්,  මිනිස්සුන් අතර  සම්බන්ධතාවය වර්ධනය කිරීමට ඉවහල් වී ඇති ආකාරයත් එය පුද්ගල ජීවිතයේ අභිවෘද්ධියට ඉවහල් වී ඇති ආකාරය පිළිබඳව ද එම වැඩසටහන් මගින් පෙන්වා දී තිබේ.   

මෙම වැඩසටහන් මාලාවේ පළමු වැඩසටහන පකිස්ථානයේ රාවල්පින්ඩි හි කහුටා දිස්ත්‍රික්කය මූලික වී නිර්මාණය වී ඇති අතර  එය‘‘ෂෙයික් නොමන් මුනීර්" නැමැති  සාප්පු හිමිකරුවෙකු වටා ගොඩනැගෙන සත්‍ය කතාවකි. ඔහු මැලේරියා රෝගයට මුහුණ දුන් ආකාරය මීට පාදක වී තිබේ. 

නිතර මැලේරියා රෝගයට ගොදුරු වන මෙම ප්‍රදේශයේ වැසියන් බොහෝ කාලයක් පටන් වෛද්‍ය ප්‍රතිකාර ලබාගැනීමේ දී දුෂ්කරතාවයන්ට මුහුණ දී ඇත. නිසි වෛද්‍ය ප්‍රතිකාර ලබාගැනීම සඳහා ඔවුන්ට කිලෝමීටර ගණන් දුර ගෙවමින් යන්නට සිදුව තිබේ. මේ හේතුවෙන් නිසි ප්‍රතිකාර නොලැබීමෙන් බොහෝ අයට ජීවිතයෙන් පවා වන්දි ගෙවීමට සිදුවිය.

චීන-පකිස්තාන කරොට් ජල විදුලි ව්‍යාපෘතිය, චීන-පකිස්තාන ආර්ථික කොරිඩෝවේ පළමු ජල විදුලි ආයෝජන ව්‍යාපෘතිය ලෙස ක්‍රියාත්මක විය. එහි ආරම්භයත් සමග , මැලේරියාව තවදුරටත් ප්‍රදේශවාසීන්ට තර්ජනයක් නොවන තැනට වැඩකටයුතු සිදුවිය. ඒ එම ව්‍යාපෘතිය හරහා  නව රෝහල් ඉදිකිරීමට මෙම ව්‍යාපෘතිය දායක වී තිබෙන බැවිනි.  මෙම රෝහල ආරම්භ වූ පසුව ද ෂෙයික් මැලේරියා රෝගයට ගොදුරු වුවද, ඔහුට වෙනදා ප්‍රතිකාර ගැනීමට දිගු දුරක් යෑමට සිදු නොවූ බව  මෙම වැඩසටහනින් කියැවෙයි.

BRI සම්බන්ධයෙන් විවිධ මත තිබුණද එය තවත් ආකාරයකින් මිනිස් ජීවිත සාර්ථක කර ගැනීමට දායක වන බව පාකිස්ථානයෙන් ඇසෙන මෙම කතාවෙන් කියැවෙයි.

(CGNT ඇසුරිනි.)

https://news.cgtn.com/news/2023-10-10/Rising-with-Pride-Medical-advancement-illuminates-Kahuta-1nMF2FVWftu/index.html