ඝාතනය වීමට පෙර, අල් කයිඩා නායක ඔසාමා බින් ලාඩන්ට පාකිස්තානයේ ඇබොට්ටාබාද් නගරයේ නිවසක සැඟවී ජීවත් වීමට හැකියාව ලැබුණේ පාකිස්තාන රජයේ නිලධාරීන් කිහිප දෙනකුගේ සහාය සහ අනුදැනුම ඇතිව යැයි තමන් විශ්වාස කරන බව ඇමෙරිකා ආරක්ෂක ලේකම් ලියොන් පැනේටා පවසයි.
ආරක්ෂක ලේකම් පැනේටා ඒ බැව් කියා සිටියේ පෙරේදා (29) ඇමෙරිකාවේ සී.බී.එස්. පුවත් නාළිකාව සමඟ සම්මුඛ සාකච්ඡුාවකට එක්වෙමිනි.
”බින් ලාඩන් සැඟවී සිටි බව තමා දන්නේ නැහැ කියා පාකිස්තාන රජය පවසනවා. ඒත් මා පෞද්ගලිකව ඒක විශ්වාස කරන්නේ නැහැ. පාකිස්තාන රජයේ බහුතරය ඒ ගැන නොදන්නවා වුණත් කිහිප දෙනකු හෝ ඒ ගැන දැන සිටින්න ඇතැයි කියා මා විශ්වාස කරනවා. වසර ගණනක් තිස්සේ මහල් නිවසක ඔසාමා බින් ලාඩන්ට සැඟවී ජීවත් වෙන්න හැකි වුණේ ඒ හින්දයි.” යැයි ආරක්ෂක ලේකම්වරයා පවසයි.
බින් ලාඩන් සැඟවී සිටින තැන නිවැරදිව සොයා ගැනීමට හැකිවුණේ ඇමෙරිකානු සී.අයි.ඒ. බුද්ධි අංශයටය. ඒ, දීර්ඝ කාලයක් තිස්සේ කළ සෙවිල්ලක ප්රතිපලයක් හැටියටය. ඇමෙරිකා හමුදාවේ නේවි සීල් භටයන් අතින් සැඟවී ජීවත් වුණු බින් ලාඩන් ඝාතනය කෙරුණේ ඉකුත් වසරේ මැයි 22 වැනිදාය.
ඇමෙරිකා ජනාධිපති බැරැක් ඔබාමා සහ හමුදා ප්රධානීන්ගේ අණ පරිදි එම මෙහෙයුම සිදු කළේ පාකිස්තාන රජයට කල්තියා දැනුම් දීමක් නොකරය. පාකිස්තාන රජය චෝදනා කරන්නේ ඇමෙරිකාව පාකිස්තානයේ ස්වෛරීත්වය උල්ලංඝණය කළ බවය.
එම අවස්ථාවේදී ඇමෙරිකා/පාකිස්තාන ඇයි හොඳයිකම් පළුඳු විය. දෙරට අතරේ හටගත් අර්බුදය, ඉකුත් නොවැම්බර් මාසයේදී ඇමෙරිකා ඩ්රෝන යානා මිසයිල ප්රහාරයකින් පාකිස්තාන සෙබළුන් 24 දෙනකු මියයෑමත් සමඟ තවත් උග්ර අතට හැරී තිබේ. එම අර්බුදය තවමත් විසඳී නැත.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
බින් ලාඩන් සැඟවී ජීවත් වුණේ පාකිස්තානයේ උදව් ලැබුණු නිසා