හයිටියට බලපෑ මැතිව් සුළි කුණාටුව හේතුවෙන් මේ වන විට මිය ගිය සංඛ්‍යාව 283 දක්වා වැඩිවී ඇතැයි එරට නවතම ආරංචි පවසයි.

ඇමරිකාවේ ෆ්ලොරිඩා ප්‍රාන්තයට ද මේ වන විට මැතිව් සුළි කුණාටුව ප්‍රබල ලෙස බලපා ඇති අතර එයින් විනාශ වූ නිවාස සංඛ්‍යාව 30000කට වැඩි බවද කියති.ඇ‍මෙරිකා ජනපති බරක් ඔබාමා විසින් එම ප්‍රදේශවල හදිසි ආපදා තත්වයක් ප්‍රකාශයට පත්කර ඇතැයි වාර්තා වේ.මෙම සුළි කුණාටුව වසර 12කට පසු ඇමෙරිකාව මුහුණදෙන ප්‍රබලම සුළි කුණාටුව බව කාළගුණ විද්‍යා ආරංචි මාර්ග පවසයි. ෆ්ලොරිඩා හී සමහර ප්‍රදේශ වල ඇඳිරි නීතියද පනවා ඇත.

ඉතාමත් භයානක ජීවිතයට හානි ඇතිවිය හැකි කාලගුණයක් ඉදිරි පැය 12 ත් 24ත් අතර කාලයේ ඇතිවිය හැකි බව කාලගුණ විද්‍යාඥයෝ කියති. 

හයිටි දූපත්වලට බලපෑ මැතිව් සුළි කුණාටුව පැයට කිලෝමීටර් 230ක පමණ වේගයකින් පැමිණි බවත් මේ හේතුවෙන් වැඩි වශයෙන් හානි සිදුව ඇත්තේ එරට ධීවර ගම්මානවලට බවත් වාර්තාවේ.