IMG-LOGO

මගියාට දෙවියන්ට වගේ සැලැකිලි

රෝද තුනේ දුප්පතාගේ හිතවතා නව යුගයට ගැලපෙනසේ නවීකරණය කර ඇත්තෙකි ඉන්දියා ජාතික ජී.අන්නදුරෙයි.

28 හැවිරිදි අන්නදුරෙයි චෙන්නායිහි වාසය කරන ත්‍රීරෝද රථ රියැදුරෙකි. ඔහු තම රියැදුරු සගයින්ගෙන් වෙනස් වන්නේ ගමනට අමතරව තම මගියාට සළසන පහසුකම් වලින්ය.

පටන් ගැනීම පත්තර හා සගරා වලිනි. ත්‍රීරෝද රථයේ වහල හා මගී අසුන දෙපස ඒවාට වෙන්වී ඇත.ගමනෙහි යෙදෙන අතරතුර පුවත්පත් කියැවීමටත් නොයෙකුත් දෙස් විදෙස් සගරා වල සදහන්ව ඇති ඕපාදූප කියවමින් රසවිදීමටත් මගීන්ට හැකිය.

කියවන්නට කම්මැලි මගීන්ද අන්නදුරෙයි නොසළකා හැර නැත.ඔහුගේ ත්‍රිරෝද රියෙන් රැහැන් රහිත ක්‍රමයට අන්තර්ජාල පහසුකම් සපයා දී තිඛෙන අතර මගීන් හට ඔවුන්ගේ දුරකථන හා ලැප්ටොප් පරිගණක භාවිතා කර ගාස්තුව ගැන වදවීමකින් තොරව රිසි සේ අන්තර්ජාලයේ සැරිය හැක.මගියෙකු අත එවන් උපකරණයක් නැති නම් එවැනි පුද්ගලයින්ට ගමනාන්තය තෙක් ලබා දීමට අන්නදුරෙයි කුඩා සාක්කු පරිගණකයක්ද ලග තබාගෙන සිටී.

දුරකථන ආරෝපණය කර ගැනීමට,රූපවාහිනිය නැරඹිීමට,ගුවන් විදුලියට සවන් දීමට ආදී පහසුකම්ද මගිීන්ට සපයා දී ඇත.

‘මගීන්ගේ පහසුව තමයි මට වැදගත්.ඔවුන්  මම සළකන්නේ දෙවිවරු වගේ‘අන්නදුරේ කියයි.

මව්වරුන්ගේ දිනයදාට,ආදරවන්තයින්ගේ දිනයදාට,හා ඔහුගේම උපන්දිනය දාට අන්නදුරෙයිගේ සේවය නොමිලයේය.

තවද වැඩිහිටි පුද්ගලයින්ගෙන්, ගුරුවර ගුරුවරියන්ගෙන් ඔහු ප්‍රතිපත්තියක් ලෙසම මුදල් අයනොකරයි. දෛනිකව ඔහුගේ සේවය ලබාගන්නා මගීන්ගෙන් අය කරන කුලියද සැළකිය යුතු තරමින් අඩු කිරීමට ඔහු කටයුතු කරයි.

‘අමාරුයි තමයි.ඒත් එහෙම කියලා ඒ වගේ පුද්ගලයින්ගෙන් මුදල් අය කරගන්න මම කැමති නැහැ.‘ ඔහු කියයි.

රථය ධාවනයෙන්  උපයන ආදායමින් කොටසක් හේ වැය කරන්නේ වීදි දරුවන්ගේ අධ්‍යාපන කටයුතු වෙනුවෙන් අනුග්‍රහය දැක්වීමටය.මේ වන විට ඔහු එවන් දරුවන් තිදෙනෙක්ම පාසැල් වෙත යොමුකිරීමට කටයුතු කර තිබේ.

‘තවත් දරුවන් 10 දෙනෙක් තෝරගෙන ඔවුන්වත් පාසැල් වෙත යොමුකරවන්න අදහසක් තියෙනවා‘ අන්නදුරෙයි කියයි.

තම ආදරණීය ත්‍රීරෝද රථයට ඔහු දැඩිසේ ඇලූම් කරයි.එයත් ඔහුගේ සේවය ලබාගන්නා මගීනුත් තරම් ඔහු සැළකිලිමත් වන වෙනත් දේවල් නැත.

‘මේ තත්ත්වයට මගේ ත්‍රීරෝද රථය ගොඩනගාගන්න සෑහෙන කලක් ගියා.පොඩ්ඩ පොඩ්ඩ ඉතුරු කරලා තමයි මේ සියල්ල මම කළේ.එවායින් ප්‍රයෝජන ලබන්නේ මගේ මගියෝ. එහෙමයි කියලා ඔවුන්ගෙන් අය කරන ගාස්තුවේ වෙනසක් මම කරන්නේ නැහැ.ඔවුන් සතුටින් මගෙත් එක්ක ගමනේ යෙදෙනවානම් මට වුවමනා එච්චරයි‘ අන්නදුරෙයි පවසයි.



අදහස් (0)

මගියාට දෙවියන්ට වගේ සැලැකිලි

ලක්මාල් Sunday, 09 March 2014 10:23 AM

ලොකු හදවතක් ඇති ඔබට දිර්ගායු පතමි. සැමට ආදර්ශයක්!!! (නදී)

:       0       0

සමන්ති Monday, 10 March 2014 09:49 AM

ආශ්චර්යය කරා පිය නඟන රටක මිනිසුන්ට අන්නදුරෙයි වගේ අමිල හදවත් වලින් පලක් වෙන්නේ නැහැ.අ පේ රටේ අන්නදුරෙයි වගේ ත්‍රී රෝද රථ රියදුරෙක් වුණොත් ඒ පුද්ගලයාගෙ බෙල්ල කපන්න මුලින්ම එන්නේ අර ආශ්චර්යයට ඉගිල්ලෙන අනෙක් ත්‍රී රෝද රථ සංගමයේ කට්ටියම තමා. මේ ආශ්චර්යයමත් රටේ මිනිස්සු(මනසින් උසස්) හොයන එක කළුනික හොයනවා වගේ වැඩක්. ඒකයි සෙනරත්ට වගේ අදහස් පහළ වෙන්නේ. යන විදියට එහෙම අදහස් ගැන තර්කයක් නැහැ. (නදී)

:       0       0

සත්‍යයා Saturday, 08 March 2014 11:58 AM

ඔහු නිසැකයෙන්ම ශ්‍රී ලංකාව වගේ රටක පාලකයා වන්න ඕනේ. මෙහෙම මින්ස්සු අපට කෝ? (නදී)

:       0       0

අචි Saturday, 08 March 2014 07:01 PM

පුද්ගලයින්ට අපහස කරන්න එපා පව්.(දිල්)

:       0       0

අසෝකා Friday, 07 March 2014 05:38 PM

අන්නදුරෙයි, නුබේ සිතේ තියෙන සැහැල්ලුව සතුට මුදලින් ගන්න බැරි බව ආදර්ශයෙන්ම නුබ ලෝකෙට දීල තියෙනවා! බල ලෝබයට, මුදලට හැමදේම කරන්න පුළුවන් කියන මිනිසුන් ලග නුබේ සිතේ තියෙන සතුටෙන් දශමයක්වත් නැහැ. නුබට දිර්ගායුෂ.(නදී)

:       0       0

සෙනරත් Friday, 07 March 2014 07:53 PM

අනාගතයේ ඡන්ද අපේක්ෂකයෙක් වීමට සුදුසුකම් ඇත. (අ)

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 35 0
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 606 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 125 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

Our Group Site