හදිසියේ ගිනි ඇවිලීමට ගත් නිසාවෙන් ලොව පුරා මහත් ආන්දෝලනයක් ඇතිවීමට තුඩු දුන් සැම්සුන්ග් සමාගමේ ගැලැක්සි නෝට් 7, ස්මාර්ට් ෆෝනයේ නිශ්පාදන කටයුතු සම්පූර්ණයෙන්ම අත්හිටුවීමට එම සමාගම තීරණය කර ඇත.
නිවේදනයක් නිකුත් කරමින් එම සමාගම සඳහන් කර තිබෙන්නේ තම පාරිභෝගිකයන්ගේ ආරක්ෂාව ගැන සිතා මෙම තීරණයට එළැඹි බවය.
ගැලැක්සි නෝට් සෙවන් ස්මාර්ට් ෆෝනයන් හදිසියේ ගිනිගන්නා බව අනාවරණය වීමත් සමග වහාම හානියට පත් ස්මාර්ට් ෆෝනයන් නැවත කැඳවීමට කටයුතු කළ සැම්සුන්ග් සමාගම, පසුව එම දුරකතන පරිශීලනය කරමින් සිටි පුද්ගලයින්ට නවතම ගැලැක්සි සෙවන් ස්මාර්ට් ෆෝනයන් ලබාදුන්නේ වරද නිවැරදි කර ඇති බවට සහතිකයක් දෙමිනි.
නමුත් එසේ ලබාදුන් ස්මාර්ට් ෆෝනයන්ද ගිනි ගන්නා බව අනාවරණය වීමත් සමග සැම්සුන්ග් සමාගමට ලොව දස දෙසින් දෝශාරෝපණ එල්ල විය.දකුණු කොරියාවේ ආර්ථික ඇමැතිවරයාද නිවේදනයක් නිකුත් කරමින් පවසා සිටියේ, සැම්සුන්ග් සමාගම වරද පිළිගෙන අදාළ පරිදි කටයුතු නොකළහොත් එයින් හානි වන්නේ දකුණු කොරියාවේ සමස්ත අපනයනයන්ට බවයි.
ආර්ථික විශ්ලේෂකයින් මත පල කර ඇති ආකාරයට මෙසේ නිශ්පාදන කටයුතු අත්හිටුවීමට ගත් තීරණය නිසා සැම්සුන්ග් සමාගමට අහිමිවනු ඇති මුදල ඩොලර් බිලියන 17 කට ආසන්නය.මෙම ගණනය කිරීම සිදුකර ඇත්තේ ගැලැක්සි සෙවන් ස්මාර්ට් ෆෝනයන් ලක්ෂ 190 ක් විකිණීමට හැකිවේයැයි සැම්සුන්ග් සමාගම පළකර තිබූ පුරෝකථනයක් අනුවය.
ගැලැක්සි නෝට් සෙවන් අත්හිටුවීමෙන් සැම්සුන්ග් සමාගමට ආර්ථික වශයෙන් වන අලාභයට වැඩි අලාභයක් නාමික වශයෙන් ගෙවීමට සිදුවනු ඇත.ඒ විශ්වසනීය සමාගමක් ලෙසට පාරිභෝගිකයන් අතර තිබූ පිළිගැනීම සෑහෙන පමණකින් අහිමි වන නිසාය.
මේ සම්බන්ධයෙන්ද අදහස් දක්වා ඇති විචාරකයින්ට අනුව සැම්සුන්ග් සමාගමේ ආපදාවෙන් වාසි සළසා ගනු ඇත්තේ පික්සල් නම් නවතම ස්මාර්ට් ෆෝනයක් සමග වෙළදපලට පිවිස සිටින ගූගල් සමාගම තම නවතම අයිෆෝනය ඉදිරිපත් කර තිබෙන ඇපල් සමාගමය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ගැලැක්සි සෙවන් යන්නම යයි
බණ්ඩා Tuesday, 11 October 2016 03:56 PM
ගැලක්සි නෝට් 7 නේද?(හේ)
මහේෂ් Wednesday, 12 October 2016 05:29 AM
අයියෝ! බණ්ඩාට සිංහල කියවන්න බැරිද?