ජාත්යන්තර සයිබර් අපරාධවල නිරතවීම සම්බන්ධයෙන් රුසියාවේ බුද්ධි නිලධාරීන් 6 දෙනෙකුට එරෙහිව අමෙරිකානු අධිකරණ දෙපාර්තමේන්තුව අපරාධ චෝදනා ගොනුකර තිබේ.
2015-2019 අතර කාලයේ විවිධ රටවල රජයේ ආයතන සහ වෙනත් සංවිධානවල පරිගණකවලට අනවසරයෙන් ඇතුළු වී ඒවායේ තොරතුරුවලට හානි කිරීම මොවුන්ට එල්ල වී ඇති චෝදනාවයි.
එවැනි ගෝලීය අපරාධ ජාලයක් මෙම රුසියානුවන් විසින් මෙහෙයවා ඇති බව අමෙරිකාව පෙන්වා දෙන අතර ඒ ඔස්සේ සිදුකළ පරිගණක වංචා රැසකට ද මොවුන් වැරදිකරුවන් වන බව සඳහන් කරයි.
එම අපරාධ හේතුවෙන් ඩොලර් බිලියනයකට අධික මුදලක් අහිමි වී තිබේ.
2018 වසරේ දකුණු කොරියාවේ පැවති වින්ටර් ඔලිම්පික් ක්රීඩා උළෙලේ තරගවල දත්ත ඇතුළත් කර තිබූ පරිගණක දහස් ගණනක දත්ත මෙම හැකර්වරුන් විසින් මකා දමා ඇත.
යුක්රේනයේ විදුලිබල සපයුම අඩාළ කිරීමට ද මෙම රුසියානු හැකර්වරුන් ක්රියාකර ඇති අතර අමෙරිකාවේ පෙන්සිල්වේනියා ප්රාන්තයේ සෞඛ්ය සේවා පද්ධතිය අකර්මන්ය කිරීමට ද ඔවුන් කටයුතු කර තිබේ.
2017 වසරේ පැවති ප්රංශ මැතිවරණයට ද මෙම හැකර්වරුන් බලපෑම් එල්ල කර ඇත.
මෙම වසරේදී ජපානයේ පැවැත්වීමට නියමිතව තිබූ ඔලිම්පික් සහ පැරාඔලිම්පික් තරගාලවලි ද හැකර්වරුන්ගේ ඉලක්ක බවට පත්වී ඇති නමුත් කොරෝනා වසංගතයේ බලපෑම හේතුවෙන් එම තරගාවලි ලබන වසර දක්වා කල්දැමීමට තීරණය කෙරුණි.
එළඹෙන අමෙරිකානු ජනාධිපතිවරණයට මෙහි සම්බන්ධයක් නොමැති බව පෙන්වා දෙන එරට අධිකරණ දෙපාර්තමේන්තුව වැඩිදුරටත් සඳහන් කරන්නේ තම ඡන්දය නිසි පරිදි ගණන් කරනු ඇති බවට ඡන්දදායකයින් විශ්වාසය තබාගත යුතු බවයි.
-226-
(එන්.එච්.කේ. ඇසුරෙනි)
2025 නොවැම්බර් මස 04
714
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
2025 ඔක්තෝබර් මස 08
2383
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1748
0
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 නිල් ග්රහලෝක ත්යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
රුසියානු ජාතිකයින් 6 ට එරෙහිව අමෙරිකාවෙන් සයිබර් අපරාධ චෝදනා