බි‍්‍රතාන්‍යයේ ලන්ඩන් නුවර ඇතුළු ප‍්‍රදේශ රැසකට පෙරේදා (4) සිට ඇදහැලෙන අධික හිම පතනය හේතුවෙන් ප‍්‍රධාන මාර්ග රැසක ගමනා ගමන මුළුමණින්ම ඇණහිට ඇති අතර ලොව වඩාත් කාර්යබහුල ගුවන් තොටුපොළක් ලෙස සැලකෙන හීත්‍රෝ ගුවන්තොට ද වසා දැමීමට ද බලධාරීන් පියවර ගෙන තිබේ. විදෙස් මාධ්‍ය වාර්තා කළේ අඟල් 6 කට වැඩි හිම පතනයක් ලන්ඩන් නුවරින් වාර්තා වූ බවය. ප‍්‍රධාන මාර්ග සහ අධිවේගී මාර්ග රැුසක් හිමෙන් වැසී ගියේය. උමං දුම්රිය සහ මෝටර් රථවල සිරවී සිටි සියයකට වැඩි පිරිසක් ඊයේ (5) දිනය පුරාවට බේරා ගැනීමට ලන්ඩන් සහන සේවක කණ්ඩායම් සමත් වූ බව ද බි‍්‍රතාන්‍ය පුවත් සේවා වාර්තා කරයි. හීත්‍රෝ ගුවන් තොටුපොළ බලධාරීන් කියා සිටියේ අයහපත් කාලගුණය හේතුවෙන් ගුවන් ගමන් කටයුතු මුළුමනින්ම පාහේ නවතා දැමීමට සිදුවී ඇති බවය. ගුවන් තොටුපොළ මගීන්ගෙන් පිරී ඇති බවත් ඔවුන්ට අවශ්‍ය පහසුකම් ලබා දීමට තමන් උපරිමයෙන් කටයුතු කරන බවත් ගුවන්තොටුපොළ බලධාරීහු වැඩිදුරටත් කියා සිටියහ. හීත්‍රෝ් පමණක් නොව බි‍්‍රතානයයේ සෙසු ප‍්‍රධාන ගුවන් තොටුපොළ කටයුතුවලට ද අයහපත් කාලගුණය හරස් වී ඇතැයි වාර්තාවේ.