මීට වසරකට පෙර, 2023 ඔක්තෝබර් 7 වැනිදා, ගාසා තීරයේ හමාස් සටන්කාමීන්, ඊශ්‍රායලයට කඩා වැදී, පහර දී ප්‍රාණ ඇපකරුවන් ලෙස ගාසා තීරයට රැගෙන ගිය ඊශ්‍රායල වැසියන් 251 දෙනාගෙන්, 63 දෙනකු තවමත් හමාස් ග්‍රහණයේ පසුවන බව වාර්තා වේ.

මෙම 63 දෙනා අතරේ, පිරිමින් 51 දෙනකු, ගැහැනුන් 10 දෙනකු සහ කුඩා දරුවන් දෙදෙනකු ද සිටින බව අල් ජසීරා පුවත් සේවය වාර්තා කරයි. හමාස් ග්‍රහණයේ පසුවුණු තවත් ප්‍රාණ ඇපකරුවන් 34 දෙනකු ඊශ්‍රායල ප්‍රහාර හමුවේ ජීවිතක්ෂයට පත්වන්න ඇතැයි ද අනුමාන කෙරේ.

2023 ඔක්තෝබර් 7 වැනිදා, හමාස් සටන්කාමීන්, ඊශ්‍රායලයට කඩා වැදී පහර දී පැහැරගත් 251 දෙනාගෙන්, 117 දෙනකුට නිදහස හිමිවූයේ පසුගිය නොවැම්බරයේ සතියක කාලයක් පැවැති සටන් විරාමයක් අතරතුරේය. එම සතියක කාලයේ, නිදහස ලැබූ වැඩිදෙනා කාන්තාවන් සහ කුඩා දරුවන් මෙන්ම, ඊශ්‍රායලයට පැමිණ සිටි විදෙස් ශ්‍රමිකයන්ය.

(අල් ජසීරා)