වයඹදිග පාකිස්තානයේ මැතිවරණ කාර්යාලයකට එල්ල වූ බෝම්බ ප‍්‍රහාර දෙකකින් පුද්ගලයෝ 8 දෙනෙක් ජීවිතක්ෂයට පත් වූහ. 
ලබන මස 11 වැනිදා පැවැත්වීමට නියමිත පාකිස්තාන මහමැතිවරණයට අපේක්ෂකයන් සූදානම්වෙමින් සිටින මේ මොහොත වනවිට පාකිස්තානයේ ප‍්‍රචණ්ඩකි‍්‍රයා ඉහළ යමින් පවතී. 
මහමැතිවරණයට දින නියම කිරීමෙන් පසු මේ දක්වා  රට තුළ සිදුවූ ප‍්‍රචණ්ඩකි‍්‍රයාවලින් 50කට අධික පිරිසක් ජීවිතක්ෂයට පත්ව ඇති බව මාධ්‍ය වාර්තා පෙන්වාදෙයි.
බෝම්බ ප‍්‍රහාරය එල්ල වූ මැතිවරණ කාර්යාලය පිහිටා තිබුණේ ඇෆ්ගන් දේශසීමාව ආසන්නයේය. මහමැතිවරණයට තරග කරන නූර් අක්බාර් ඛාන් නමැති ස්වාධීන අපේක්ෂකයකුගේ කාර්යාලයට එල්ල වූ මෙම ප‍්‍රහාරයෙන් 22ක් තුවාල ලැබූහ.
ප‍්‍රහාරය එල්ල වන අවස්ථාවේදී පක්ෂ කි‍්‍රයාකාරීන් රැුසක් එම ස්ථානයේ සිටි බවත් තුවාල ලැබූවන්ගේ තත්ත්වය බරපතළ බවත් කෝහට් පොලිස් ප‍්‍රකාශකයෙක් පැවැසීය.
ප‍්‍රහාරයේ වගකීම තලේබාන් සංවිධානය බාරගෙන ඇති බව පාකිස්තාන ආරක්ෂක අංශ පවසයි.