තායිලන්තයේ මහා වජ්‍රලෝංග්කෝන් රජුගේ වැඩිමල් පුතු 42 හැවිරිදි වච්‍රසෝන් විවාචරොන්ග්, වසර 27 කට පසු යළි තායිලන්තයට පැමිණ ඇතැයි එරට මාධ්‍ය වාර්තා පවසයි.

වච්‍රසෝන් විවාචරොන්ග් ජීවත් වන්නේත් රැකියාව කරන්නේත් ඇමෙරිකාවේය. විවාචරොන්ග් තායිලන්තයේ බැංකොක් අගනුවරට පැමිණියේ දිවා සුරැකුම් මධ්‍යස්ථානයක, අඩුආදායම්ලාභී පවුල්වල දරු දැරියන්ගේ සුබසාධනය වෙනුවෙන් පැවැති සමාජ සේවා වැඩසටහනකට සහභාගී වීමටය.

‘මම ආපසු තායිලන්තයට ආවේ වසර 27 කින්. මට උණුසුම් පිළිගැනීමක් ලැබුණා.’ යැයි මාධ්‍යවේදීන් හමුවේ වච්‍රසෝන් විවාචරොන්ග් පවසා තිබේ.

71 හැවිරිදි මහා වජ්‍රලෝංග්කෝන් රජුට පුතුන් සිවු දෙනෙකි. වච්‍රසෝන් විවාචරොන්ග් රජුගේ දික්කසාද වූ දෙවැනි බිරිඳ යුවල්හිදා පොල්ප්‍රසාත්ගේ පුත්‍රයෙකි. රජු සහ යුවල්හිදාල දික්කසාද වූයේ 1994 වසරේදීය.